CCOC tangthu
1965 kum lai-in ZBC in Chin Hills For Christ a kici Evangelist group bawlin nasep kipan uh hi.Ahi zongin deih bangin lawh cing lo uh ahih manin Rev, Charles Hrang Tin Khum in ZBC gamsunga upa makai vaihawmte sam khawm in,Pasian thugen ding Special taka neih dingin 1982 kumin kikupna neih pih hi.
Tua a thu kikupna uh pen lungkim ciat uh ahih manin a min ding ngaihsun uh a,Chin For Christ in One Century(CCOC) naci uh hi.Hih thu pen 1982 kumin vaihawm uh a,1983 kum panin nasep kipankhia uh hi.
1983 kumin Pasian thugen dingin palai 84 khahkhia uh hi.
Mindat Area ah palai 20,2. Kanpalet Area ah palai 10,3. Paletwa Area ah palai 27,4. Gawngaw Area ah palai 10,5. Matu/Zotung Area ah palai 6,6. Tedim/Tonzang Area ah palai 6,7. Tamu/Kuki/Homalin ah palai 6 paisak uh hi.
Kum khat acin khit 1984 kum ciangin Falam ah Febuary kha in khawmpi bawl uh a,mimal 2585 in Pasian upna pianthakna ngah uh hi.
1984-85 kum nihna ah palai 102 paisak uh a,Pasian thu-um thak mimal 1502 in pianthakna ngah uh hi.
1985-86 kum a thum veina ah palai 177 paisak uh a,Pasian thu-um thak mimal 2,368 muhbeh uh hi.
1986-87 kum a li veina ah palai 85 paisak uh a,Pasian thu-um thak 768 pha uh hi.
1987-88 kum a nga veina ah palai 87 paisak uh a.
1988-89 kum a guk veina ah palai 84 paisak uh hi.
Tua khit zawh ciangin gambuai tawh kituak ahih manin Pasian thu genna lem nawn lo ahih manin palai teng khempeuh ZBC in sam khin uh hi.Hih kum sungin palai teng lakah Lia,Ngai Za Siam kum 19 pen Thantlang gam pan May 24,1988 ni-in a nuntakna bei a,Thantlang khuapi ah ki vui hi.Palaite lakpan a si vekpi 7 pha uh a,mimal 5 Zomi ahi uh hi.
1989-1991 kum sungin palai tampi paisak kik uh a,1992 kum sungin kha mangthang 2500 man uh hi.
1993 kum ciangin Pasian thugenna ding hun lem nawn lo a,khuasung miten zong palai Missionaries te sang zo nawnlo uh hi.Tua zawh ciangin gam mialna mun a omte training pia in amau le amau Pasian thu kihilhsak uh hi.Tua zawh ciangin mun tampi ah Mission te lut khuan kipia a,Rakhine le Yaw gam tengah missionaries te paisak uh hi.
1995 kumin Pasian thu-un thak 337 ki behlap hi.
2000 kum ciangin Khalkha khuapi ah Pasian tungah lungdam kohna pawi khamna thupi takin bawlin CCOC nasep na khawl uh hi.
(Zomi history group pan kila hi)
