All D. ngah Tg. Pau Sian Muan Sing (Singpu) tawh holim na
Suahni – 28.8.1999
Pa min – Rev. Silas Langh Khan Mung
(Asso. Pastor, Leipi BC)
Nu min – Nu Niang Khan Dim
Om na – 1/38, Tat Oo Thida (4)
Beh – Thangum
Khualui – Mawng Ken
Roll No.- Sahkah 334
Sang – No. 3 BEHS, Kalay myo
IOL – Laivuan zawh ciangin all D ngah
dingin na kilamen hiam?
Singpu – Ki lamen mah ing. Ahang in “A
piang theilo omlo” (Nothing is
Impossibel) cih kammal in tha
hong guan hi.
IOL – Ong sazian kitel ni na feeling
nong gen thei dia?
S.P – Pasian tung ah ka lungdam mah
mah hi.
IOL – All D na ngah nading bangci han
ciam nahia?
S.P – Pasian tungah thungen den ing.
Dotna lui te zong en den ing.
Khamuan nading in nisim in kisin
den ing.
IOL – Bang Subject hamsa sapen na
hia?
S.P – Kawllai (Myanmasar) mah hamsa
sapen ing. Ka khutlam zong a hoih
nading in zong nisim kisin den ing.
IOL – Lai na et ciangin bang dan in na en
a leh?
S.P – Lai Siangtho sim in,thu ngen masa
den ing. Tuakhit ciang laisim kipan
pan ing.
IOL – Na sangkah sung bang hamsa na
sa pen a..?
S.P – Lawmte tawh kithuah haksa sa-ing
Kim leh pam pan in hg ki nawi kai
sakna te hangin Mahatma Gandi
thu gen “Hong kiden na
Suang kholin inn na lam ing” cih
kammal tawh tha nala den ing.
IOL – Na Nu leh na Pa in koi bangin
hong papih hiam?
S.P – Kumlui dotna bu te leh laibu tuam
tuam hong leisak in, nisim in thu
hong ngetsak den a, Pasian kam
mal tawh tha hong pia den hi.
IOL – Na sangkah sung lungkiat hun na
nei ngei hia?
S.P – Pasian hehpihna tawh Lungkiat
hun nei ngei lian keng
IOL – Mai lam ah bang lam zop sawm
nahia?
S.P – Siavuan uting (အေထြေထြ အထူးကု)
Hih siavuan kasep kawm mah in
Pasian leh minam ading in mapan
sawm ing. Hih bang kasep zawh na
ding Pasian kiangah nisim in thu
ngen den ing.
IOL – Tan 10 akah lai te leh tutung result
ah a kihel zo nailo te ading thapiak
nop leh gennop na nei hia?
S.P – Nei mah ing. A kah lai te in tuni isin
laite pen tuni mah in ngahsawm
sawm ding. Tutung akihel zo nailo
te’n zong lungkia cip lo in hanciam
lai ni. Lungkiatna in nahoih hong
piangsak lo hi. Tua ahih man in
Pasian tungah tha la in, ih hanciam
ding kisam pha mahmah hi.
IOL – Na sangkahna tungtawn in na tuah
khak thu te hong gen ve.
S.P – Tan lang pan in tan 8 ciang Nu leh
Pa in Tuition hongkah sak zolo in
tan 9 ciang neilo pipi in Swe Hla
Min Border ah hong omsak uh hi.
Tan 9 laivuan na ah a (5) na ciang
a kihel te Boder sap lalo ding ci in
Siapi nu in hong kamciam ciang
in ka hanciam mahmah a, a (2) na
ka ngah a, tua hangin Tan 10 pen
Shew Hla Min ah amawkna in ka
om a, hi ciang dinmun ciangah
Pasian in thupha hong pia ahihi.
IOL – Hi bang aa hun hongpia a dotna te
nong dawn lungdam mahmah ei.
S.P – Kei zong ka Lungdam mahmah ei.
11.6.2016 (Sat)