Zomi Federal Union (ZFU)
01 February 2021 (Monday) in Myanmar gamah ukna buluhna hong pian ciangin gam sungah bitna le daihna om nawnlo hi. Mipite in galkap ukna deihlo in septheih bangbang tawh kilangpan hi. Beelsatna, lamdung ah lungphona, CDM – Civil Disobedience Movement laakna le a tuamtuam tawh ukna buluh galkapte kilangdo hi. Gamsung buaina hong suuk semsem in lungmuanna hong omloh teh Zomi te khut khat tawi khe khat khai bangin mapankhop ding hong kisam hi. Mapan theihna tek pan a sem te kigawm in, a omsa Kipawlna tuamtuam tawh a kul bangin kizop theih nading kipawlna min khat kisam aa “ZFU – Zomi Federal Union” ci-in 30th March 2021 in kivawh hi.
ZFU pen nasep kawmkawmin hong piangkhia ahi hi. ZFU in a nei tuam omlo a, galkapte zawhthawh thu deihlohna tungtawn pan mipite in sep theih bangbang sep khawpkhawpna tawh a kul bangin hong piangkhia ahi hi. Gam sung gam pua kithuza in kikupna, sepkhopna tuamtuam a om khit zawh 31 March 2021 (Wednesday) in ZFU min ki tangko khia pan hi.
ZFU Dinmun
1. ZFU in zumlehiam thatang suang ukna buluh galkapte khut sung pan Mipite i suahtak kik nading septheih khempeuh tawh sem ding. (Reject, Resist, Liberate)
2. ZFU in mipi’ telcing makaite ukna le thupiakna nuai ah uniform silh mipi’nasemte ahih nading mapang ding. (Security Sector Reformation)
3. Democracy, Human Rights le Federal thuciinte bulphuh in, Zomite vai Zomite thuneihna tawh vaihawmna (Self-Determination & Autonomy)
4. Zomi min nuai a om tualsung kipawlna te tawh sikhat-sakhat in, khat le khat zahtakna, kithusimna (mutual-respect) tawh kipumkhat in nasem khop ding.
5. ZFU in Ngimna, Ngaihsutzia kibanglo thute ultung sak lo in, ngimna ngaihsutzia kibang thute ah cihtakna tawh kintak in semkhawm ding.
6. ZFU in kitangsapna (out of necessity) hang in akiding hi a, ut-man (out of choice) in akiding hi lo hi.
7. Chin min le Chin min nuai a om minam tuamtuam, khua tuamtuam te pen i gal hi lo hi. A kikhin thei lo, a kipai thei lo, akiphiat thei lo liangko kikim Zosuan laizom sanggamte a hi uh hi.
8. ZFU in tangpi phattuamna ding thute ah, kiimlepam tawh na kisem khawm ding hi. Nasepkhopna khat le khat kithusimna, liangko kikimna tawh ki kalsuang ding hi.
ZFU Lungtup
Vanlelei a bawl Tung Pasian in mihing khempeuh tung ah akibang in hong piaksa nuntakna, suahtakna thuphate, tual-gal, khual-gal, (tualsung tualpua) gamsung gamdang gal tuamtuam te pan dal in hu ding.
(Self-determination, equality, Life, Liberty & pursuit of happiness)
ZFU Thukhun
ZFU in ngimna tupna te pan lampial lo-in kician takin ki makaih theih nading in thukhun pi kinei khin hi.
Source: https://zomifederalunion.org
