Zomi lasiam Siamah DS Cingpi

Minpi: Dim Suan Cing (Ngaihte Beh)

Khamkhua: Kansau

Tulaitak omna: Kalaymyo

Suahni: 16/July

Laipilna: Tansawm(B.Th)

Pianna Tuun le Zua min: – Cing Ngaih Vung ( Nu ) – Ngul Khan Nang ( Pa )

Pianpih Sanggamte min: 1)Nu Dim Lun Niang 2) Pa Gin Za Lian 3)Pa Kham Khan Cin 4)Pa Pau Khen Kap 5)Nu Ning Khan Huai 6)Pa Khawm Khen Khup 7)Tg. Kham Kap Tuang 8)Rev. Pau Sian Lal 9)Ptr. Dim Suan Cing 10) Nu Dim Deih Mang 11)Tg. Kham Sian Mung 12)Pa Thang Lian Pau

Ukna (Hobbies): La (Music)

Laisiangtho mun: Late 104:33-34

GZC Q1. Hong dongpah saisai nung, lasak leh music sung na kidiah zawh asawt ta na. Album/Mv bangzah bawlkhin, Nong genthei ding hiam?

CP- Kum12 ka phak a kipan lasak kipan ing. Kum19 ka phak ciang in “Thupha Ngah Minam, Vol.2 Album tawh lakhum kipan ing. Pasian huhna tawh tuciang ladawng (60)val bang sa khin ing.

GZC Q2. Lasak bang in hong uksak a, kua in tha hong pia. Lasak, la taih ( practice ) sung hita leh stage tung haksat na tuak gei hiam?

CP- Lasak pen ka nulehpa zong la a uuk mahmah tuak uh ahih man un ka unau un lasak pen kaneu pan mah un ka uuk mahmah uh khat hi. Ka nulehpa leh ka sanggam ten tha ong pia ,ong panpih mahmah uh. ..Lataih leh Stage tung lian ah haksatna cih bel om theizel mah, ciamteh a ka gen ding thei kei mai ing.

GZC Q3. Zomi sung mangla leh minam dangte ii late vasak pihthei le va tumpih theiding ih neih na angtang hiam?

CP- Angtang mahmah ing, thupi zong sa ing. Mailam ah zong tampi i ombeh lai ding zong lunggulh mahmah ing.

GZC Q4. La na phuak, nagelh gei hiam, Na music/laphuah/na lasak lakpan hoih nasak pen in bang la?

CP- La bel phuak ngei lian kei-ing. Ka lasak lak pan hoihsa pen ci a ka teltuam ding thei lian kei mai ing e.

GZC Q5. Zomi te koici kalsuan leng mailam ah music sung kipum khat in ki khangto theiding?

CP- Khat le khat kizahtak bawlsiam in mun kipiasiam, kipanpihsiam leng music sung ah kipumkhatna zong om semsem in kikhangto zaw ding cih ka muhna hi.

GZC Q6. Music tawh a kisailo na gennop khatpeuh hong luikhia dingin hong thuum ungh.

CP- Lasa musiciante in ah ahihtheih leh min kibanglo theithei zang le hang hoihsa ing. Khat le khat i background leh i hihna kibanglo in kitelkhialhna tamthei cih ka tuahkhak thu tungtawng in hong gen ing. Lungdam.

GZC Tanute: Manlah, buai pipi mahtawh na hun manpha hong khenkhia teta nahih manin nang sangsang in koh lungdam zaw ung. Mailam ah nasinna, nasep, na kalsuanna ding te ah hong lamzang toto lai in maw.