Rapsiam Totti Mung (Eye Zomi)
Min pi : Totti Mung
Kham khua : Tedim
Suahni : December 9
Pilna : Park University ah BA kah laitak
Pianna Tuun leh Zua min : – Cing Sian Ngai ( Nu ) – Thang Khan Cin ( Pa )
Pianpih Laizom te min : – Pa Thang Piang – Nu Zo No – Lia Cing Khek – Tg Jay Kim (EYEZOMI) – Tg Sian Tuang (EYEZOMI)
Ukna (Hobbies) : Bawlung suih
LST Mun : JOSHUA 1:9
GZC Q1. Lasak/Music sung na kidiah zawh asawt ta na. Nong genthei ding hiam?
TM: Lasak/Music bel ka neu tung pek pan ka uk mahmah khat hi. A hih zong in 2011 khawng ciang in ko leh ko theih na neilo, siam na nei lo, mi mal kim han ciam na bek tawh la bawl ki pan ung. Neu mahmah lai ka hih man un ka siam loh uh hang hong ki pak ta mahmah hi.
GZC Q2. Zomi sung kawlla, mangla leh minam dangte i la vasak pihthei le va tumpih theiding ih neih na angtang hiam?
TM: Ang tang huai sa mahmah ing. Mai lam ah zong Zomi te mi liang ko tung ah om ding in zong lam en ing.
GZC Q3. La/Music/Note nang i idea ngiat tawh nagelh gei hiam, Na lasak/laphuah/ lakpan hoih nasak pen in bangla? TM: Lamal bel a tam zaw kei phuak vive hi. A hih hang ka group vua ki huh theih na tek ah ki huh ngei ngai. Ka la sak teng lak pan “Hong Mang Ngilh In” leh “Hong Thum Ing” mah hoih sa penpen ing.
GZC Q4. Zomi te koici kalsuan leng mailam ah music lam ki khangto theiding?
TM: Ei Zomi te zong ki khang to zaw deuh ta. Tua lak ah a mai dawk deuh 2/3 nei ih hih man in zong ang tang huai sa mahmah ing. Ei Zomi te music lam ih khang toh na ding pen ei leh ei ih han ciam kul ding ci khat in mu ing. Tuhun ciang la bawl ding zong baih mahmah hi, a hih hang in baih ta ci in bawl gawp kei leng hoih sa ing. La dawng khat bekbek hun tam pi piak sawm in, hoih ta ei na cih ciang ngai kik kik lai in, na puah phat ding tam pi hong om lai ding hi. Na han ciam na zahzah a gah mu kik ham tang ding hi teh cih tawh tha hong pia nuam ing.
GZC Q5. Music tawh a kisailo na gennop khatpeuh hong luikhia dingin hong thuum ungh.
TM: Na mai ah lung kiat na ding bang zah bang za a om phial zong, nung kik lo a mai nawt den in. Hak sat na om kei leh gual zawh na omlo hi. Na hoih khat pen a baih in ki ngah pah lo hi, tua a hih man in citak tak in mai nawt lecin ni khat ni ciang tang tung veve ding hi teh cih tawh mi mal kim tha hong pia nuam ing. Lung dam.
GZC :- Lungdam lua ung, kahun geel uh hong picinh nahih manin, mailam ah na kalsuan na, nasep, nabawl khatpeuh ah Zomi te a laamsang zo semsem dingin hong lamzangh toto laita in. Hibang lasak dan namtuam tuam nong pat uh Zomi pihte na ki angtang tuam lua hi.