Dr. Kham Do Nang

Pu Sian Za Kam (Phamphu) leh Pi Ngai Khaw Ciin ta sung panin 7.11.1942 kumin Tedim gam Khuadai khua ah suak hi. 1953 kumin tapidaw (ABM) Pawlpi suak aa, 1963 kum ciang tui kiphum hi. 12.2.1973 kumin Nu Vung Lian Cing tawh kiteeng aa, tapa 3 leh tanu 5 nei uh hi.

Sangkahna:-Primary School pen State Primary School, Bumzang. 1950-1955,-Middle School pen Basic Education Middle School, Gamngai. 1955-1958, – High School pen Basic Education High School, Tedim. 1958- 1961,-Tan X bekbek kum 12 ka vuan aa, 1969 kum “B” list, 1971 kum “B” list, 1978 kum “A” list. -L.L.B Mandalay Arts and Science University 1978-1984,-B.R.E, M.R.E, M.Min,
M.Div, Myanmar Institute of Theology(MIT)1991-2000.-
D.Min, Ph.D, Th.D 2001-2010.

Kumpi nasepna:10.9.1965- 20.1.1973 (LDC) Trade Coporation Tedim. 21.1.1973-1.4.1988 (UDC) Trade Coporation Tedim.1.4.1988-1995 (B.C) Trade Coporation Yangon.1995 kum service pension laa in, 2014 May 23 ni-in hong Topa kiang hong ciahsan hi.Gam a ding nasep te:1981-1984 –Chin State Peoples Council Member, Chin State Justice Parttime.1997-1998 –Yangon Zomi Baptist Church General Secretary.1992-2000 –Yangon (ZO) Donghu Committee President.2000 kum (Y2K) Tedim Zomi te kipawlna Founder/Vice President.2000-2014 (CPP) Party ah Vice President sem suak hi.-Zo Khang taang thu mang lai tawh bu khat, zo lai tawh bu khat bawl hi.-Zo La (Pu pa laa) leh love song (Len lai laa) tampi tak phuak hi.-Zo La phuak bek tham lo Zo laa (Pu pa laa) sak siam in minthang hi.-Kumpi te pahtawina Medals (4) ngah hi. Tan X zawh aa, laa phuah:(a) Tuan pupa te’n, za tang khawh leh lal kop hen, sang tam kap te, taang hi na ci ee,(b) Sei no ei khan, pian kidang ta, se sum lam Niang, zaa thu lian B.A, M.A te taang hi ki ci ee.