Rev. Pau Khan Khai, Ph.D
Pianna: Tuithang khuami Pa En Gin Thang (Tawmging) leh Suangsang khuami Nu Cing Khan Zen (Milun) Te sung pan kum 1971 July 1 ni- in Tauleng khua ah suak hi. Unau pasal 4 leh numei 8 pha uh hi. Asuahma kum 3 lai in anulehpa ten tapa sal deih mahmah uh ahih manin thungetna Na nei uh hi, “ Topa aw tapasal nongpiak leh nangma nasem dingin Samuel bangin kongpia kik ding hi “ ci in Topa tungah aki apna tungtawn in tapa apian ciangin Topa nasem dingin asuahtung in na ap pah uh hi.Pianthakna leh Topa sapna ngahna: Kum 1983 June 10 ni-in Jesuh honpa leh gumpa in sangin pianthakna nei hi. Ni dangin sepna tawh gupna ngahding hanciam mahmah ta leh hehpihna bek tawh gupna kingah ding ahih lam atel ciangin nakpitakin lungdam a,Topa sungah nuntakna a thak nei hi. Apian thak zawh kum 4 khit ciangin Topa nasem dingin Topa sapna ngah kik a, Pasian kamal Philippines 1:20 leh Isaiah 58:10-11 tungtawn in Topa nasem dingin khentatna nei hi. Pilna siamna masuan ding aneihloh hangin ahih theih zahzah in khuakim khuapaam ah lungdamna Gospel thu gendingin zin kawikawi hi.
Sangkahna: 1. Tan lang pan tan 4 dong Tauleng khua ah sangkah hi. 2. Tan 5 pan tan 8 dong Dalkhai khua ah sangkah a, tan 8 pen Mathematic distinction tawh ong hi. 3. Tan 9 pen Tahan BEHS-2 ah kah hi. 4. Tan 10 pen Tedim BEHS-1 ah kah hi. Kum 1990 in tan 10 zo hi.5. B.Th pen Delhi pan kum 1993 in zo hi. 6. B.D pen Bangalore pan kum 1996 in zo hi.7. M.Th. pen Bangalore pan kum 1999 in zo hi. 8. Ph.D. pen USA gam Louisville, Kentucky ah asin laitak hi.
Zineihna: Kum 1996 May 25 ni-in Haiciin khuami Pa Go Za Dal (Thawmte) leh Nu Goih Za Cing (Guite) te tanu Siamah Niang Go Man.B.Th; B.D tawh Siangtho kitenna nei uh a, Rev. Neng Suan Thang in pum khat suahna neih sak hi.
Tanu tapate: 1. Lia.Zen Sawm Kim- University of Louisville, USA ah sangkah.2. Tg. Thang Sian Tuang – 12 grade- Waggner High School, USA. 3. Lia. Cing Tul Vung – 9 grade- Waggner High School, USA.4. Tg. Dal Lian Mang- 5 grade- Chenoweath Elementary School, USA.5. Atanu upa pen Kimnu pen kum 2013 in Kawlgambup tan 10 laivuanna ah 4 D tawh onga, tuahun laitakin Zomi Pasian nasem khempeuh te sungpan tate tan sawm 4 D tawh a ongsak masa pen in kiciam teh hi.
Kawlgam sung Pasian nasepna: 1. 1993 kum in Hualngo Circle Baptist Church ah Junior Pastor sem. 2. 1997 kum pan in Tauleng Baptist Church in Church Pastor tavuan lensak tuni dong kizopna sum piaden uh hi.3. 1999 kum in ZBCM Crusader panmun tawh fulltime in Kalaymyo ah nasem.4. 2002 kum in ZBCM ah Associate General Secretary fulltime in sem. 5. 2002 kum in Bethel Zomi Tuiphum pawlpi hongpian ciangin visiting Pastor pan kipan in kum 2006 ciangin Church Pastor panmun len in kum 2008 akipanin Fulltime in sem hi. 6. 2002 kum in Emmanuel Theological Seminary ah Board Chairman sem. 7. 2006 kumsung Zomi Theological Seminary (ZTS) ah Principal (Parttime) in sem.8. 2007 kum pan Tedim Baptist Churches Association (TBCA) ah Advisor sem. 9. 2008 kum in Zosiam Gospel Ministry pankhia hi. Cina mi 21119 bawlkhin ta hi. 10. 2011 kum in ZBCM ah President panmun la hi. 11. 2012 kum in Agape Education Center pankhia hi. Tu laitak Sangnaupang mi 97 neite tungah itna tawh thupha abawl laitak hi.
Gamdang nasepna: 1. 2014 kum in Zomi Christian Church, Louisville, Kentucky ah pankhia hi.2. 2014 kum in Zomi Baptist Churches of America(ZBCA) ah Vice President pamun len hi.3. 2016 kum in Zomi Baptist Churches of America(ZBCA) ah Geneal Secretary panmun len hi. 4. 2017 kum in North American Baptist Fellowship (NABF) Pawlpi 80,000 kipawln ah EC member in panmun len hi.5. 2017 kum ZBCA BWA( Baptist World Alliance) ah alut ciangin General Secretary asep laitak ahih manin General Council member in ki ciamteh pah hi.
Gam tuamtuam ah conference kahna: 1. 2005 kumin Baptist World Alliance kum 100 cin Khawmpi England gam Birmingham ah vakah hi. 2. 2007 kum in Asian Pacific Baptist Federation khawmpi Chiangmai , Thailand ah vakah hi. 3. 2007 kum in Church Growth International Conference, Seoul, Korea ah vakah thei hi. 4. 2008 kum in All Nations Convocations in Jersalem, Israel ah vakah thei hi. 5. 2009 kum in Haggai Institute Conference Singapore ah vakah thei hi. 6. 2010 kum in Global Mission Consultation , Tokyo, Japan ah vakah thei hi. 7. 2012 kum in Ministers Conference , Portland, USA ah vakah thei hi. 8. 2014 kum in UN a Economic and Social Council Conference ah Zomi mintawh akah mi25 lakah kihel hi. 9.2017 kumin BWA Annual Conference Bangkok, Thailand ah kah thei hi.10. Crusade leh Seminar pen Japan, Korea, Singapore, Thailand, India, Malaysia, Germany, Norway, Denmark leh USA gamsung mun tuamtuam ah nei thei hi.
Zomi sung panmun neihna pawlkhat: 1. Leitungbup Zomi Innkuan (LZI) ah Vice President.2. Global Zomi Alliance (GZA) ah Financial Secretary sem. 3. ZYA – Myanmar ah International Consultant. 4. Zofa – Advisor. 5. Siamsin-Kalay- Advisor. 6. Zomi Innkuan USA ah Board member sem ngei. 7. Zomi Innkuan Louisville ah member sem. 8. Kalaymyo ZCD ah Advisor. 9. GZA Finance Secretary (2011-2016).
Na hoih sep deuh pawlkhat:1. Tauleng khua ah motor cycle lampi atunna dingin mapanna neihpih hi. 2. Tauleng khua ah mawtaw atunna dingin mapanna neihpih hi. 3. Keeltal khua ah motor cycle atunna dingin mapanna neih pih hi. 4. Kalaymyo ah innsap in atai kawikawi laitakin Tauleng khua a anu leh pa han ah taihinn lamsak hi.5. Pasian nasem mi 10 tungah motor cyle piakhia hi. 6. Ama sapna tawh Zomi Pasian nasem mi 41 in America gam tung uhhi.