Pu zukholhna

“Pute leh gitta in ciam masa” cih Zo Paunak a om bangin Tuk a tun ciangin Tute teng kiciamin tangzu bung nih bang, kipawl in pute tungah Thupha ngetna’ zu kikhol thei hi; tua pen “Pu zukholh” kici hi. Pute in saibel khatin Tuute zindo uh a, kitung nek hi.Tuute zu bawlte in leep masa uh a, Tuute zu kolh pen kikhaihin a zucil a pai masa penpen hai khat peuhmah la-in Pu in thungetsak hi. Pu zukholh ni-in Pute in saluang khat peuhmah gawh thei a, a gawh kei zongin a tuute ak khat peuh mat hamtang hi. tua ak tawi kawm sa in Tuute a laam uhi. A lam tawp ciangin “Suai, suai, suai, suai,” ci-in pute angah zu kitep sakin kigual nuam mahmah hi.

Tuute zukholh zu pen Inntekte leh Beh teng kivakna in kinei hi. Pu zu kholh zu, acil khum mahmah khawng a tulhtulh laitakin lungkimtakin hi bangin la kisa ngiamngiam thei hi.

2. [a] Pu von siansung, sen lim-a, bualna,

Tun lah hawmtel ka sanna, ken ngai ing ee.

(b) Tun huaikuan aw, na khan suangsawn nuam ing e,

Puvon siansung pak bang tawisawn nuam ing ee.

NB. Tuute lamin a Pute lam a phuahna la ahih. Ed.

3. (a) Gual in taang laitan ing ci e,

Lia ka vontawi ngai zaw’ng ee.

(b) Lia ka vontawi, tusawn nih, thum, kumcin ka ning nek hi ee.

Tuhun Christian-te baangkua sungah ‘Pu zukholh’ a kibawlnop ciangin cikhum tawi khat ki-awmin Pu zukholh mah kici hi. Lawki ngeina ah Pute in Pu zukolh ni-in Tuuta ding ‘Phuisamna’ nei a, Tapidaw

ngeina-ah ‘thungetna’ kineih sak uhi.