Pu Ngaw Cin Pau
Pu Suang Thang leh Pi Ciang Hau te sung panin November
28,1925 in Lophei khua ah suak hi. A zi Nu Dim Kho Mang tawh April 14,1956 in kiteeng uh a, tanu 2 leh tapa 3 nei uh hi.
Sangkah na: 1935 pan 1938 dong Govt. Vernacular Primary School, Thuklai ah kahin Bright Scholarship ngah hi. 1939 pan 1941 dong tan IV pan VI ciang Govt. A/V Middle School, Tedim ah kah hi.
1942 in Govt. High School ah Tan VII zo hi. 1946 pan 1948
dong Christian High School, Yangon ah kahin University Exam
zo hi. 1953 kumin University of Yangon pan B.Sc (Geology) ngah
hi.1957 pan 1959 dong Netherlands khuapi Delft ah UN Fellow-ship huhna tawh, France (F.P.I University) ah Satellite manzaihna tawh leisung sumpiang zonna ah Ph.G Degree ngahhi.
Nasep na:1955 panin D.S.G.E ah Geologist in lut hi. Gullu
mual ah Nickle million tons 110 a om lam mu masa hi. Falam gam
ah Limestone (Leikang suang) million tons 100 a om lam marble
(suang zol) vom, a eng nam a om lam satellite photo pan mu hi. 1978 in Superintending Geologlist in a za khang hi.1982 pan 1988 dong Mandalay Division leh Shan State te a Geology Department te ah Tainghmu (Head of Division/State) sem hi. September 1 ni 1988 in kumpi nasep kum 33 a cin ciangin pensen la hi. Tua khit ciangin UNOCAL Oil Co.,Ltd ah Chief Permit Officer in 1991 pan 1993 sem hi.1967 in International Geology Seminar Geneva ah pai-in,1970 kumin S.E. asia Geology Seminar, Malaysia ah vakah hi. 1973 in International Diamond Exploration Seminar, London ah kah hi. 1974 kumin Intenational Consultation for Geology Seminnar, Calcutta ah pai hi.Kawlgam suaktak nadingin BIA, BDA,BPF ah kihel hi. Bo Lin makaihna BIA ah kihel a, Lt. Gen. Motoza Yanagida khutnuai ah 33rd Division, Japan Zomi Division tawh Kale-Chin Hills le Manipur gamte-a makai Captain khat in pang hi. March 18,1995 ni a kikhawm Kyemon Tadensa sungah Thekkatho Ne Win in Galkapte ni kum 50 cin Golden Jubilee malep ni-a “Galkapte le Zomi khangnote” ci-a a gelhna sungah a kimin kisuak sak hi. Biakna lam mun tampi-ah makai-a, zong sem hi.
Min phat nate:(1)1939-45 Star (2) Burma Star (3)War Medal (4)BIA, BDA & PBF Medal (5)Independence Medal (6)State Law and Order Restoration Medal,(8)Public Good Service Medal.Ten na: Pazundaung Township, Yangon .
Tate: (1) Pa Thang Van Pau AB(FGS)., Dip(FBS) + Nu Cing Do Pau, (2) Pa Pau Do Thawng BSc., Second officer(FGS) + Nu Man Za Huai, (3) Nu Hau Cing Huai BA., Diph(FBS)+ Pa Hau Kam (USA), (4) Pa Thang Za Mang, Thailand, (5)Nu Dim Dal Cing, BA + Pa Thang Khan Mang, USA. Piancit pan Ph.G degree a sin lai a phuah hi a, Zomi pianthit a siteng hi:
(a) Thinlai vabang ka pil nop man tuan pupa gen piancit gam lei tang lung zuang veng kei aw ee,
(b) Bangding lailung zuang lo ding hiam pupa khang a, kulsin zal teng tho vum tun siang zuan ding ka veng ee.
(a) Thian hawm thiamin vaimang hawmtel, laingil duang a ka ban, pupa khan a, sang le lal hen luang hi ee
(b) Ka zalmang in, tung khaimu len, zil veng e, zangtui kuamah mual minthangteng zui veng ee.