Dr. Thuam Cin Khai

Pu Kham Khan Khai leh Pi Khai Khaw Cing te sung panin 1974 November 29 ni-in Voklak khua ah suak hi. 1997 May 29 ni-in Siama Mang Lam Nuam tawh kiteeng hi. Topa thupha tanu 3 leh tapa 1 tawi uh hi.

Sangkah na:Tan 1⁄2 pan tan 4 ciang SPS Voklak ah kah hi.Tan 5 pen SHS Thuklai ah Stipend tawh kah hi.Tan 6-7 pen SMS Limkhai ah Stipend tawh kah hi.Tan 8-10 dong SHS Thuklai ah kah leuleu in tan 10 ong hi.Tua kummah in Dr. Gin Khan Khual tungtawn in Gupngah kitel ahih manin Laisiangtho sang kah ding khensat pah hi.

Laisiangtho sang kahna:1994-1997 Faith Baptist Bible College Tedim ah BABS man hi. 1999-2000 Philipine Baptist Theological Seminary (Master of Divinity) kah hi.2000-2001 (ACTS leh AUTU) South Korea ah M.A Theology ngah hi. 2001-2003 (Philipine Baptist Theological Seminary ah M.Div ngah leuleu hi.2003 kum Asia Graduate School of Theology a kah leuleu hi.2004-2007 Central Philipine University, Iloilocity Philipine ah Doctor of Education Major tawh April 12. 2007 ni-in (D.Ed) ngah hi.

Nasep na te:-1997-1998 Zomi Baptist Convention te Missionary in Asho Chin te kiangah kuan hi.-Southern Baptist School of Theology, Makati ah Faculty sem hi.-Ciimnuai Zomi Philipines kipawlna ah President masa pen sem hi. –University, Iloilo te’n comparative Education Resource Person dingin zang hi. -2006 pan All Nations Theological Seminary (ANTS) Dean of Students.-2007 pan (ANTS) sangah Academic Dean leh Vice Principal sem hi. -2009 pan tudong USA ah Principal sem hi.