Theizang Khua

1. Khuasatna thu

Theizang khua pen Mikang te Khamtung hong tun ma in Lim Khai Mang Tawn tu Pu Tawn Thang in tulaitak Theizang khuamun ah khua sati na teng ngeizo hihtuak hi. Pu Tawn Thang tanu Pi Ciang Dim leh Khuasak Pu Tong Seal kiteng hi. Tua hun lai in Tualgal, Pawi gal leh Mitpheikhit gal te na piang hi. Khuasak bangah Mitpheikhit gal kum 7 sung kido hi kici hi. Hi bang gal te hong khan ciangin Pu Tawn Thang te in ciitawm kisalai ahih manun Lim Khai aa a u anau te zuankik gai in Theizang na nusia kik uh hi. Mikang te hong khan ciangin 4.2.1889 ni in Khuasak khua haltum uh hi. Thaangpi (Fortwhite) ah camp hoihtak bawl uh a, Zato inn, galkap, sikkhau to, galkap len, lineman line te akipan kumpi inn te lam uh hi. Tuulsuk, Phatzang, Thaang, Dimlo leh Tedim ah Buzung koih uh a, Buzung sim ah Dolman koihtek hi. Phatzang buzung dolman dingin Hangman te Pu Lam Suan koih uh hi. Tua hun lai in Phatzang nai ah khua omlo ahih manin ulian te hong pai ciangin zin do nading aktui aktak te ngah nading haksa ahih manin Mikang kamphenpa Paw Two in Lam Suan kiangah Theizang khua a sat nadingin vai khak hi. Tua ciangin Pu Lam Suan zong Khuasak ah ciah pah in, Theizang khua sat dingin Pu Thang Hau leh Pu Mang Lian tawh vaihawm in 1901 kumin Theizang khua satkik uh a, Pu Thang Hau in hausa na sem hi. Theizang khua akisat kik ciangin Mikang gal hanga gam sunga om Thei ek pan Khaman te, Vauna pan Naulak te, Zaunuai leh Thulzang pan Khuasak mi peuhmah in Theizang khua hong zuan in teng uh hi. Khua kisat zo ahih hangin Khuasak khua panin Pu Lian Vum in hausa Pu Thang Hau leh khua upa ahi Pu Mang Lian, Pu Son Suang te Tedim ah khia in, thong taak sak hi. Hausa Pu Thang Hau in zum thu tanna tawh a satsa Theizang khua nusia in Khuasak ah tungkik hi. Pu Thang Hau in Khuasak khua a zotkik ciangin Pu Mang Lian hausa sem sak aa, khuasat zawh kum 9 a phak, 1909 kum ciangin khuakip aa sanna laipi ngah in, tudongin khuakip khat suak hi.

1. Khua min vawhna thu

Pu Tawn Thang in khua a satcill lai in tulaitak aa Pu Kham On lo sung (Pa Nang Thian Pau) inn thang zaangtam teng ah Thampheng lam in omphot hihtuak hi. Tua mun teng Koaikii khua ci uh hihtuak hi. A sauvei lam ciangin tua mun teng ah Theikung lianpi honkhat a omna zangtam ahih manin ‘Theizang khua’ na cipah hihtuak hi.

1. Beh om teng
   1. Tuanthang
   2. Khumthang
   3. Tongseal
   4. Thatmun
   5. Namzo
   6. Hangman
   7. Tawtak
   8. Khupthang
   9. Naulak
   10. Panghvom
   11. Holte
   12. Luktai
   13. Buansing
   14. Zahlangh
   15. Khupmu
   16. Nisuah
   17. Guite

1. Pawlpi om teng
   1. Laipian
   2. ABM
   3. SDA
   4. AG
   5. NAC
   6. UPC

1. Sanginn : Basic Education Sub High School
2. Zato : Sub RHC (1974)
3. Inn phazah (Feb, 2023) : 120
4. Innkuan phazah (Feb, 2023) : 114
5. Mi phazah (Feb, 2023) : Pasal (314) + Numei (321) = 635
6. Kivaakna
   1. Lo khawh
   2. Gankhawi
   3. Gamdang pai
   4. Kumpi nasem
   5. Lettama
   6. Telawng leh nahtang ciing

1. Khuami te sungpan a madawk deuh te
   1. Non Kim, Dental doctor
   2. Suan Za Cin, Staff Officer (Forestry)
   3. Cing Kaang Niang, AD (Post&Telegraph Transport)
   4. Khai Lian Cin Thang, Director (Revenue)

1. Thu tawk nate
   1. Kham Za Nang, hausa
   2. Theizang khua leh Tuiphum pawlpi tangthu, 2011
   3. Public Health Department record file, Tedim Hospital
   4. Schools Profile, Basic Education Department – Tedim Township
   5. Sizang min-pianna-le-pu-thuan-tak-tangthu
   6. Thuklai khua leh Sizang ngam tangthu, 2020

~~~~~~~~~~~~