Dr.Mang Khan Cing (a) Dr.Bian Ca Son(Ph.D)
Dr.Mang Khan Cing Dr.Vum Son tanu hi aa, 16.1.1968 in Freiburg, Germany ah suak hi. 13.6.2014 in London, UK ah si hi. A ta. Otilio Soto, 3.8.1982 in suak hi. Germany, South Korea leh America te ah om ngei hi. 1992 umin BA (Psy), University of Maryland, 2008 in MA, Contemporary Asian Studies, 2014 PhD, History ngah hi.
A nuntak sung in zomi leh zomi te khantoh na ding, pilna leh nasep khopna a om theih na dingin a hanciam mahmah khat hi. A ma lunggulh na leh a nasep nate pen a pa Dr.Vum Son in tam pi tak na muam kha hi ding hi. Ni dang USA ah a om lai in a nau inn ah zomi (Chin) refugee te tampi tak tung zel uh aa, a vek pi in Chin ki ci ngei ngai uh hi ci hi. A nung kan kan ciangin a vekpi un Khal kha lam vi ve pan hong pai a hih lam khua nung theih kik hi.
Khalkha lam te in zomi sung ah a mau bek in Chin cih min tawh ham phat na khempeuh alak sawm uh hong mu khia hi. Hih thu tawh ki sai in University of Amsterdom ah M.A a sin sung in a master’s dissertation ding in limtak in ciapteh na na bawl hi. Tua tawh kizom kawm leh a pa pat sa “Zo Tang thu” hoih tak a zawh na ding han ciam hi. 2008 kum in University of London, School of Oriental and African Studies (SOAS) pan in Ph.D sin theih na ngah hi. A Ph.D thesis dingin, “The Making of the Zo”; The Chin of Burma, The Lushai and Kuki of India through Colonials and local narratives, 1826-1988 cih thu bul pi tawh research bawl khia hi.
A research a bul pi pen Bangladesh, India leh Burma gam gi a om mi nam teng khempeuh a min taktak uh pen “Zomi” cih ki cian tak hong mu khia hi. A ma gen na ah CHIN cih min pen, ka research tawh “That Zo” (Killed) khin ingh ci hi. Zomi sungah a ki buai mahmah, Chin maw, Zomi cih pen ei a dang te lungkham kul peuh mah lo-in ki ciantak hong ciap teh sak khin zo hi.
Nung talai hi leh a sep nop a bawl nop, a pat sa zong tampi om khin aa, a hi zong lam et het loh pi in leh a hun a phat tung nai lo pi in hong nusiat na pen amau inn kuan bek hi lo, zomi khempeuh in zong kisup lawh mahmah hi cih hong phawk sak hi. Zomi sungah zo vontawi lia pal khat a ki sum a hi hi.A luang hawm pen London khuapi sung a Honor Ok Park Cremetorium ah 7/7/2014 zing sang nai 10:00 in ki vui hi. Nasepna: Researcher, Actor, Teacher, Writer, Political Activities, Television Host.