Dr. Kham Hau Thang M.B., B.S
Pa min – Rev. Vungh Suan Pau
Nu min – Nu Dim Khan Zam
Suahni – 16.7.1996
Pianpih sanggamte:
- Pa Tun Za Pum + Nu Niangh San Man
- Dr Kham Hau Thang, M.B.B.S.
- Lia Vung San Lun Cing (J.A.T)
- Tg Khual Suan Sum, B.Th (SIBBC)
- Tg Mung Muan Khai, Grade 4 (Cornerstone Child Academy-Tedim)
6. Lia Ciang Tawi Siam, Grade 3
7. Lia Don Sian Huai, Grade 2
Siam sinna
2012-13 Laisin kumin tan 10 ong a, Mathematics, Physics, Chemistry leh Biology te ah distinction ngah hi. Tua kumin Tedim gambup Tan 10 ong teng lakah Distinction ngah tam bel leh Chin State bupah Mark gawm tam bel ahi hi.
2014 –2020 sung University of Magway, ah pilna sina, 2020 kumin M.B.B.S. ngah hi.
(Behlap : A unau un Laipil mahmah uh a, a nau Lia Vung San Lun Cing zong a tan 10 lai in Chemistry leh Biology ah Distinction ngah in, a nau pasal Tg Khual Suan Sum in zong Chemistry leh Biology ah Distinction ngah uh hi. )
Gualtung tuannate
Tan lang pan tan 10 dong laihuanna ah khatna, nihna, thumnate tai ngeilo in ngah den hi.
Tan 4 kumin Tuidil khua aa kibawl (Laaitui Sangpi, Khuagal Sang, Khuathung sang, Muizawl leh Tuidil khua teng kigawm) ah a khatna ngah hi. Tua tungin English ah distinction ngah lai hi.
Tan 7 kumin Tedim Sangpi ah Tedim gambup Sang khempeuh Maths leh Eng kidemna om a, Gungal lam teng tangin kiteel hi.
2011-12 Laisinkum, a Tan 9 kumin Khamtung gambup laisiam kidemna, Hakha ah om a, tua takah Khamtung gambupah Laisiampen a khatna ngah hi. A pil tungtuanna ahihleh tua laivuanna sungah Mathematics subject ah Multiple Choice ah dawnna 3 a kipia lakpan-a teelding pen “dawnna-maan omlo” ci-in sangsia Pu Nang Do Kaam (Muizawl)’ kiangah a gen ciangin Sia Kaam-in ciantakin Tg. KHThang dongpha-a, tua ciangin sangsiapipa kiangah va gen hi. Siapipa-in laivuanna mawhpuak nei mite tuatsak pha a, dawnna-maan na omlo takpi hi. Tua thu Pyi-Nee Hmu pa (Kawlte) in a theih ciangin nakpi-in kipahpihna pulaak hi.
Tan 10 kumin Tedim pan Falam ah vaphi in, Falam gambup pan amah kiteel hi. Tua hangin Kawlgambup Luyechun teng 2013 Sangkhak hunsung NgweSaung
ah Kumpite vaihawmna tawh kaal 2 sung excursion kipaipih hi.
Chin State panin mark tam bel ahihna hangin University a kahna ah sangkah sung teng Scholarship tha khatin Ks. 100,000 ta kipia hi.
University a kahlai, a kum 1 na kum laihuanpi ah Physics Distinction ngah giap hi.
Panmun neihnate
Ciimnuai Vontawi Siamsin Kipawlna (CVS) ah 2015-2016 Laisin kum President sem.
University Christian Fellowship Magway (UCF-Magway) ah 2016-2017 kikaal Secretary
sem UCF Magway 2017-2018 laisin kum President semin, tua kum sung mahin UCF
Magway min tawh cih phatna la album khat thohkhia hi.
2017-2018 Chin Student Union Magway (CSU-Magway)ah President sem.
2016-2017 Chin Literature and Culture Committee ah Secretary
Mapanna dangte:
CVS min tawh Medical trip masa pen Muizawl ah kihel.
A nih veina CVS min tawh Medical trip, Zaampi khua ah kihel.
UCF Magway mintawh Medical trip thum vei pai in, Magway division sung khua neute ah nih vei zui in a thumvei na zui manlo.
Pawlpi lam (Magway Baptist Church) ah a kisapna munah Guitar/Keyboard tumsak.
UMMG Metal Band (University of Medicine Magway)ah Second year aa kipan kihel in Fresher Welcome/Convocation dinner/Farewell Dinner /Funfair cih pawi te ah music tum (Guitar /Bass).
UCF Magway Music band tawh khat vei Yezin UCF farewell dinner ah invitation ngah in music tum in pai (2018 Dec).
Bulphuh LST kammal
Paunak 4:23
Deihdeuh Laibu
Lai Siangtho bu
Tu laitak omna leh nasep
House Officer, Magway Teaching Hospital, Magway Myo
Source: Laaitui Magazine 2020 pan kila
