Pastor Nang Lam Thang

Bo Hang Kho Zam leh Nu Neam Za Vung sung pan10.8.1976 ni-in Tedim khua ah suak hi. Sanggam unau 7 lakah a neu pen hi. Tan lang pan tan sawm dong BESH Hakha ah kah a, 1991 kumin tan sawm ong hi. A neu aki pan Pasian lamah kinak piak mahmah in 1987 kumin gupngah kitel in piangthak a, tui zong kiphum pah hi.

1998 kum Full Gospel Assembly Pawlpi Laisiangtho sangah (FGBTC) ah Diploma letmat ngah hi.-1997 kumin Sagaing Division Mienmu khua FGA Pawlpi ah kha 6 sung sia sem hi. Tua sungin ni (21) sung antang in thungen hi.-1999 kumin Down Christian AG Pawlpi ah Youth Pastor kipia hi. -1999 kumin Yangon Section AG ah gambup Youth Secretary kipia hi. –

Holy Land Prayer Garden apian nading leh thungetna inn lam nading in Pastor pa tawh khut kilen in mapang khawm uh hi.-1999 kum Holy Land Prayer Garden ah thunget na tawh kisai nasep na khempeuh ah thuvanpi sem hi.-1997-1999 dong Dagon University ah Psychology Major tawh kum 2 na ciang kah hi.  -Holy Land Prayer Garden ah khamangthang te veina ngiat tawh (1.9.1999-10.10.1999) dong ni 40 sung antang in thungen hi. 15.10.1999 ni-in Topa kiang tawlnga hi.