Rev Tun Hau Thang

Gawngmual khua Pu Phut khual (Naulak) leh Nu Dim Don (Songput) ten tapa 2 leh tanu 4 nei hi. Rev Tun Hau Thang pen naulai hi a, 26.6.1947 kumin Gawngmual khua ah suak hi. Anu in nusia baih ahih manin apa in zikik nei hi. Laitui khua Nu Ciin Khaw Don (Gualnam) tawh kiteeng kik in tapa 1 leh tanu 4 nei uh hi.

Pianpih sanggam te: (1) Sia Kham Go Kap + Nu Awi Man Cing, (2) Pa Cin Do Khup + Nu Goih Lam Niang, (3) Nu Ngai Ngaih Cing + Pa Thang Khan Pau, Pa Zam Khan Mung, (4) Nu Cing Man Niang + Pa Gin Khaw Hau, (5) Lia Awi Khan Ciin (nungak khin in si), (6) Lia Niang Do Cing (nungak khin in si), (7) Nu Awi Za Cing + Pa Ro Khuma, (8) Nu Ning Don Ciin + Pa Go Khan Mang, (9) Nu Ning Khawm Zam + Rev En Cin Pau, (10) Nu Cing Zo Dim + Pa Pau Khan Thang.

Zi leh ta: Mualpi khua Rev Kham Khaw Kai (Songput) leh Nu Ngai Khaw Cing (Buansing) te tanu tum Nu Langh Za Vung tawh 13.5.1973 kumin pumkhat suak a, ta pasal 7 nei uh hi. (1) Rev Khual Sian Mang + Dim Ngaih Don (Gawngmual), (2) Kai Khan Pau + Ngaih Lun Cing (USA),(3) Kap Muan Thang + Cing Sian San Nuam (Malaysia), (4) Hau Thawn Kap + Nuam Sian Muan (USA), (5) Tg Pau Suan Lian (USA), (6) Tg Khup Za Kap (USA), (7) Tg Kam Muan Tung (Malaysia).

Kumpi nasepna: 14.10.1971 (PAT) Limkhai. 1.8.1973 (JAT) SMS Paletwa, Miza. 1.1.1974 (JAT) SHS No.1 Falam. 1.8.1974-1994 (JAT) SHS No.1 Tedim.

Zomi Vedio zaihna: (1) Tui bua sa kiluak kik theilo, (2) Gi bang khen kei ni, (3) Lungzuan zatam sial ta ding, (4) Takkheh pasal, (5) Ong maisak in (Malaysia).

Biakna lam nasepna leh degree ngahte:(1) 1981 kumin Tui,Si,Kha tawh pianthak na ngah hi. (2) 1988 kumin Fulltime minister Gawngmual local pastor sem hi. (3) 2004 kumin UPCM (Yangon) pan ordination kipia hi. (4) 1998-2014 kumdong Gawngmual local senior pastor sem hi. (5) 2004-2012 kumdong Tedim section pastor sem hi. (6) 2016 kumin Topan thupha pia in gam thumna tung uh hi.