Buanli Khua

BUANLI

1. Khua min vawhna thu:

A.D 1600? hun lai-in Vaiphei Pu Mang Ngul in tulai Buanli gam sung; Khuamun, khuatangmun,Lotual mun, Lentang mun le Tuiphul mun teng huamin Dimpi khua panin inn 300 tawhna teeng ngei a, Elliang-uum vum pann a khuatang dung tai sagih cia ana huam hi. Pu Mang Ngul a khan lai-in lawi 99 ciang na khawi ngei a, alawite bualna mun nuite tuhun dongin kimu thei lai hi. A lawite bualna mun tengah ‘buan’ bekbek, tuili bangin cing liang ahih manin tua mun teng min lawhna dingin ‘Buanli’ kicipah hi.

1. Khuasatna thu:

1890 kum sungin Mikangte in Tedim khua le Lamzang khua te a hal tum uh ciangin Tedim, Lamzang, Mualbem leh Saizang khua te pan gal kitai in khua tuamtuam kibeel hi. Mualbem pan Kawngte Pu Ngak Lam’ suan teng; Pu Hau Khai, Pu Vum Vial, Pu Kip Thual, Pu Khual Suak, Pu Khat Suak, Pu Lam Sel leh Pu Sel Neng te unau zong Pakzang, Lamzang, Muizawl, Lunmual, Tuicinlui, leh Tongsial khuate-ah kikhenthang kawikawi uh a, hun khat teitei teh, tul kigawm theikik a, pulepate hun pana hausa upatnasa zaate ngah theihkikna dingin khua khat sat-a, tenkhop theihkik nadingin Pu Hau Khai le Pu Vum Vialte kam vaikhakna a kinei uhi. Lamzang khua-h Pu Hau Khai leh Pu Vum Vialte a sih uh hangin a sanggam dang tengin kikaikhawm kik in, 1895 January 25 ni-in Lamzang, Muizawl, Tongsial leh Tuicinlui khuate pan Pu Khat Suak, Pu Lam Sel, Pu Kip Thual, Pu Sel Neng, Pu Lam Nang, Pu Lam Vum leh Pu Sum Awn te makai Buanli khua sat uh hi.

1. Beh om teng
   1. Kawngte
   2. Hatlangh
   3. Thawmte
   4. Sektak
   5. Tunglut
   6. Phaipi
   7. Gualnam
   8. Naulak
2. Pawlpi om teng :
   1. ABM
   2. RCM
   3. ICB
   4. UPC
   5. EBC
   6. CBC
   7. AG
   8. Yahweh
3. Sanginn          : Basic Education Post Primary School
4. Zato          : Sub RHC
5. Inn phazah (Feb, 2023)          : 68
6. Innkuan phazah (Feb, 2023) : 55
7. Mi phazah (Feb, 2023) : Pasal (287) + Numei (259) = 546
8. A madawk deuh te
   1. U Lal Nok (Township People Council)
   2. Zam Khan Mang, TBA, E&M Director
   3. Dr. Nang Sawm Piang, Professor, TCC
   4. Gin Deih Sian, Professor, FBTS
   5. Dr. Nang Sian Mung, Bible Translator
   6. Dr. Pau Suan Kam, Principal, TTC
   7. Dr. Thang Geel Sum, Pastor, Berean EBC
   8. Dr. Lian Muan Kim, Founder&President, KTS

1. Thu tawkna te
   1. Pu Vungh Kam – Khua hausapa
   2. Public Health Department record file, Tedim Hospital
   3. Schools Profile, Basic Education Department – Tedim Township
   4. Kum 100 cin phawkna, Buanli khua [1895-1995],