Dimlo Khua

1. Khua min vawhna thu

Dimpi khua ah Naulak Pu El Thuam in tapasal 13 aneih lak ah Pu Khup Vungh leh a sunghpa Hatlang Pu Muang Suan te in AD 1700 hun pawl in Sialtang lui gal kanin, tulai Dimlo gamsung; Ngalzang lo a zuan khawm uh hi. Tuk hun ciangin Sialtang lui khang in, kikantan zolo zel ahih manin Ngalzang lobuk ah a giah suaksuak uh leh teeng suak ta uh a, “Dimpi te’lo” cih ki minvawh in “Dimlo” khua a suak ta hi.

1. Khuasatna thu

Dimlo Ngalzang lo panin AD 1760 pawl ciangin Tuilum mun ah na kituah uh hi. Tua sungin Pu Khup Vungh’ tapa Vungh Tong leh Go Kim te unau in a pute Hatlang te tawh vakhu bu vai in a kisiat uh ciangin Saizang ah Pu Mat vungh tungah tokai in Saizang na zuan uh hi. Adang Naulak leh Hatlang te Dimlo ah na tenglai uh a, Pu El Thuam pan khang 13 na Pu Khum Mang hun ciangin Lenzang kicihna mun ah na kituah hi. Hih hun sungin Pu Khum Mang leh Mualbem Pu Khan Thuam na kizawl uh hi. Dimlo khua na luun mahmah aa, Dimpi khua panin Naulak innpi zong Dimlo ah na tuahzo uh hi. Mangkang te hong khan ciangin 1889 January 23 ni in Mangkang te in Suangpi, Dimpi leh Dimlo khua te na hal uh a, 1892 November 5 ni in a nih veina a hal leuleu ciangin Dimlo panin khua tuamtuam ah na kikhenthang uh hi. Mikang gal daihdeuh ciangin pawlkhat te Dimlo ah hong ciahkik uh a, 1894 kum in Pamuazang mun a cihna ah khua na sat kik uh hi.  Hih Pamuazang ah a om sungun Piantit gal hong om ahih manin Piantit pai zong a om uh hi. Hih Pamuazang mun ah a kicidam theihloh ciangin Pu Sut Vungh, Pu Hang Cin, Pu On Nok leh Pu Zing Awn te in 1920 kumin tulaitak aa a kitenna Sialtual acihna mun ah tui khuat in hong kituah uh hi. Hih mun ah nuamsa mahmah uh a, tudong in kiteng suak in, khua kip khat hong suak hi.

1. Beh om teng
2. Naulak- Tualtung
3. Naulak-Tualkong
4. Naulak-Dothang
5. Naulak-Henzom
6. Pawlpi om teng
7. ABM
8. RCM
9. Laipian
10. EBC
11. AG
12. Sanginn : Basic Education Post Primary School
13. Zato : Sub RHC (4.3.2013)
14. Inn phazah (Feb, 2023) : 82
15. Innkuan phazah (Feb, 2023) : 73
16. Mi phazah (Feb, 2023) : Pasal (263) + Numei (245) = 508
17. Khuami te sungpan a madawk deuh te
18. Fr.Kam Khua Hau, Zomi te sung pan Fr ngah masapawl
19. Khai Khaw Pau, USA (Dimlo khua khai)
20. Pa Dai Cin Pau, District Officer, Ministry of Information
21. Pa Dai Thawn Thang, Deputy Staff Officer
22. Thu tawk nate
23. Pu Thawng Khua Mang, Hausa
24. Public Health Department record file, Tedim Hospital
25. Schools Profile, Basic Education Department – Tedim Township
26. Lethil Innkuan Laibu, 2022