Pumva Khua

1. Khuasatna thu

Pumva khua pen khatvei sat a kip paisuak hilo in, 3 vei bang a kisat zawh cianga tuni dong kiteng paisuak ahi hi. AD 1720 kum Muipi (Thuklai) a kisat lai in Aisan lo gam teng lo in kho in a kuan ciangun hamsa sa uh ahih manin Pumva khua sat in, Pu That Zong, Pu Khat Lam, Pu Sung Hang, Pu Zong Lam te akipan mi 10 te na teng uh a, Pu Khat Lam in hausa sem hi. Pawi gal hangin tai tek uh a, Pumva khua masa hong bei hi. Mikang kumpi hong khan 1889 ciangin Thuklai khua simh ahih manin Pumva khua ah galtai in, Pu Kam Lam, Pu Pau Thang, Pu Thang Suan, Pu Nga Son, Pu Ngo Khaw Thang, Pu Hong Thuam, Pu Hong Tuang te akipan mi 22 in Pumva khua kisat kik hi. Thuklai hausa Pu Kam Lam mahin hausa sem hi. 1892 October 9 ni in Suangbum mual ah Myo uk U Tun Win a kisuamlupna hangin Mikang te in khua tuamtuam te hal aa, Pumva zong hal ahih manin a 2 veina Pumva khua bei leuleu hi. 1922 Feb 14 ni in Pu Khan Pau, Pu Hong Thuam, Pu Khup Lam, Pu Khup Khaw Hau, Pu Thuam Tuang, Pu Kham Son, Pu Ngul Khai te in a 3 veina Pumva khua satkik uh a, Pu Khan Pau in hausa sem hi. Tua pan tudongin khuakip suak hi.

1. Khua min vawhna thu

Pumva khua a kisat lai in Cik nawngpi pumpeng (pumpa) bekbek a po na mun ahih manin, a kuan ciangun bang sem ding kici leh ‘Pum vat ding’ ci in dawng hi. Tua manin pumvat pan Pumva khua ci in min hng ngah a, tuni ciangdong Pumva ci in kip paisuak hi.

1. Beh om teng
   1. Suanthuk
   2. Thatmun
   3. Zamang
   4. Thangngiak
   5. Lunteng

1. Pawlpi om teng
   1. ABM
   2. AG
   3. RCM

1. Sanginn : Basic Education Primary School, Pumva
2. Zato : Nei nailo
3. Inn phazah (Feb, 2023) : 30
4. Innkuan phazah (Feb, 2023) : 27
5. Mi phazah (Feb, 2023) : Pasal (60) + Numei (58) = 118
6. Kivaakna
   1. Lo thawh
   2. Gan khawi
   3. Sing ciin
   4. Gamdang pai
   5. Lenggah, Apple, Lingmaw ciing

1. Khuami te sungpan a madawk deuh te
   1. E.Cin Khua Lian, DD
   2. Hau Cin Dal, Staff Officer (Agri)
   3. Major Tuang Za Pum
   4. Myit Myit Than, Staff Officer (Agri)
   5. Nang Pum Tuang, Asst Lecturer, Uni of Kalay
   6. Ngo Ko Pau, Director (Foreign Affair)
   7. Pum Cin Kam, TEO
   8. Dr. Thuam Khua Pau, DMin
   9. Dr.Cin Ko Lian, DD
   10. Thuam Nang, AE (Construction)

1. Thu tawk nate
   1. Centenial Milestone by Rev. Cin Kho Pau, 2022
   2. Thuklai khua leh Sizangngam tangthu, 2020
   3. Public Health Department record file, Tedim Hospital
   4. Schools Profile, Basic Education Department – Tedim Township

~~~~~~~~~~~~~~