Zomi lasiam Sm. San Lun
Min:– Vial San Lun ( Hangsawk)
Khua lui- Tuitum
Tulian omna- Atlanta (USA)
Suahni- May 14,1978 Lai pilna- B.A.B.S, B.A (Psycho), M.div
Pianna Tuun le Zua min: – Don Khaw Hau ( Nu ) – Dr. H Gin En Cin ( Pa )
Pianpih Sangam teng: 1. Tual Sian Sum 2. Vial San Lun ( Kei) 3. Niang Muan Kim 4. Thang Pil Mung 5. Man Kop Dim 6. Thang Lem Kim
Ukna ( Hobbies ): Lasak, ki mawl, khualzin le one by one gup khiatna thugen
LST Bulphuh: 1Thes 5:16-22, “Na Lungnuam tawntung un; thu na ngen den un, hih in Christ Zeisu sungah note ading Pasian deihna a hi man in a piang khempeuh ah lungdam na ko un. Tua Kha meikuang na mitsak kei un; genkholhna thute na simmawhbawl kei un. Na khempeuh sittel un. A hoihte kiplet un. Siatna nam peuhmah na peel un”
– Zech 4:6 “Thahatna hang hi lo, vangliatna hang zong hi loin keima Kha hang bek tawh na ma na tung zo ding hi, thahat pen TOPA in ci hi.”
GZC Q1. Hong dongpah saisai nung, lasak le music lam na kidiah zawh asawt ta na. Album/Mv bangzah bawlkhin, Nong genthei ding hiam?
SL- 1. Tan 4 ka phak a ki pan lasa, action song te makaih cih teng pan ki pan to ingh. Eimi mipi lak ka din taktak Tedim sangpi kum 50 cin pawipi 1998, Studio kalut masak Jan 2000. 2. Single album (3) 3. Mv pen ka ngaih sut theih pak 70 kiim ahi tam maw
GZC Q2. Zomi sung mangla leh minam dangte i la vasak pihthei le va tumpih theiding ih neih na angtang hiam?
SL- Angtang mah mah kawm in lungdam pih mahmah ing.
GZC Q3. La/Music/Note nang ii idea ngiat tawh nagelh gei hiam, Na music/laphuah/na lasak lakpan hoih nasak pen in bangla? SL- La phuah bel ka talent hilo hiam phuak nai lo hi phot aih hang lamal bel at nei kawmkawm zel ingh English la aw la in amal kei at suak ve. Notes bel ka lasak ding te chord at zel cih loh kei idea tawh om nai buang kei ei. Ka phuah lian a hih loh hang a mal ka at lak ah ka album masa aa Lamdang Itna mah hoih sa le Topa’n adeihna om aa hong piak ngiat la tua deih pen ingh.
GZC Q4. Zomi te koici kalsuan leng mailam ah music sung kipum khat in ki khangto theiding?
SL- Pasian kiang pan hong pai itna mah bul phuh in khat le khat ki it na tawh kalsuan khawm ni. Ih muhna te zaisak in, mi masa ten khangthakte makaih to in, khangthakte’n mi masa( Uzawte) te zahtak siam leng tua zong ih khantoh na ding tawh tang (key)lak aa khat ai kha tam cih kei ngaih sut na hi.
GZC Q5. Music tawh a kisailo na gennop khatpeuh hong luikhia dingin hong thuum ungh.
SL- Leitung khantohzia tawh ki tuak in tu lai khangthakte in a tumte ai zong, asa te ai zong aphuak te ai zong, uk man cih tawh hi lo in, hih ka uk na pen Pasian hong piak talent aih man in hoihtak phungvuh ning ci aa gina tak aa sin to in hanciam to leng tua ka deihsak na khangthak music a ukte tung ah gen nuam lai ing. Tua le kei lel tak GZC in nong phawk man ùn lungdam le angtang mahmah ingh. Topa’ ih minam sung ah hi bang ki lapsang na te hong phungvuh sak hen la, mailam na geel na te uh Topa’n Aminthan na ding in hong gual zawh pih ta hen maw.
GZC tanu te : Amen! Koh lungdam zaw kan ungh e, kahun geel sa uh hong picinh nahih manin, mailam ah na kalsuan na, nasep, nabawl khatpeuh ah Zomi te a laamsang zo semsem dingin hong lamzang toto laita in. Na Zomi pihte in hong angtang lua ungh maw.
