Rev. Abraham Hau Kho Pau, D.D
Pianna: Pa Ngam Kho Lun leh Nu Haw Wei te sungpan 1954 kum Lishi myonee, Hlanpi khua ah suak hi. Sanggam suahpih numei nihneia,a u nuin kum 15 in nusia hi. Apa zong amasuah zawh kal khat khit ciangin nusia hi. Anu tawh amau unau nih bek om uh hi.
Sangkahna: Tang lang pan tanli ciang-Hlanpi(SPS)ah, tan nga pan tan giat ciang-SMS, Thamanti ah,tan kua pan tan sawm ciang-SHS, Mawngkhan ah kah hi.
Kimawlna: Bawllung, Volley ball, Chinlung, Siktumlot, sikpeeklot, Bibaa, agiak domte kimawl a, Volleyball ah nipiah sem hi.
Kumpinu nasepna: 1970-1972 SPS, Phailen ah, Zolai sia sem hi. 1973 kum in myonee ki ukna zum, miki sim hun sung kha guk sung sem hi.
Sumbawlna: 1974-78 sung sum zong hi. Gupngah kitelna: Sum zonna ah 1974 kum Maykha in
khanti khua, sangmang nasem Rev. Sat Kyi Nga tungtawn in (Gal. 2:20)na tungtawn in piang thak hi.
Biakna ah kihelna: 1979 June kha panin EFCM pawlpi ah hunbit Pasian nasep kipsakna ngah hi. Gupna a ngah khit a kipan lungdamna thu gen kawikawi hi. Na nga mualdungah samg mang a sep kawm in pawlpi kem kawm hi. Na nga minamte khua 14 dawibiakna panin ki khel sak hi. 1986-90 sung hummalinn ah distict council ah chairman vaipuak sem hi. 1990 kum December kha in Pasian kiang pan aw za a, AG pawlpi tawh khut ki len in nasep ding khen sat hi.
AG pawlpi ah area chairman leh town pastor sem hi. Fellowship ah makai leh Hommalinn Christian Council ah Chairman sem hi. Hommalinn khua pi sungah Bethel thungetna inndei leh thungen pawl kipan in makai hi. 2007 kum in Myanmar Gospel Mission Fellowhsip(MGMF)leh Rays of Gospel(ROG) thukizakna phuan in tuni zong biakna tuamtuam tawh khut kilen in na sem hi. ROG ah zong editor semin tuni zong thukizakna hawm khia zo hi. 2008 kum ciang Chindwin mission khat in kikip sak a, chairman sem in tuni dong makaih hi.DC, EP member ah zong ki hel hi.
Lai Siangtho sangkahna: R.Dala phawkna sangah D.Th., Gideon Myanmar College ah BRE, Myanmar Evangelical Bible College ah BMin leh MMin, Emmnuel Bible Collegeah MDiv., MSM Bible College ah D.D te ngah hi.Pasian in note khempeuh tungah thupha nam kim hong pia ta hen.
