Rev. Dr. Cin Kho Zam (D.D)
Pa Ngo Thang leh Nu Nuam Cing te tapa neupen hi a, 8.3.1947 in Tedim gam Dolluang khua ah suak hi. Sanggam laizom pasal 5 leh numei 3 pha uh hi. 1967 kum SHS Thuklai ah tan 9 azawh ciangin, a upi pa vaihawm na tawh anu kem dingin sang tawp sakin zi kinei sak hi. 3.1.1971 ni Lia Ngoih Lam Cing tawh kiteeng a, tapa 6 leh tanu 5 nei uh hi. 9.9.1976 in (Ps 103:3) kammal tawh Pa Nun Lang tungtawn in Nattun natna tawh a siding a kigiah pih kimlai zankhat thu in gupngah kitel in pumpi damna ngahkhawm pah hi. Pasian in ompih mahmah a, gilpengna, nawi kensa, siluang natna, pum zaw, dawilut, bengngong, gilsan, mittaw, guh TB, leh natna tuamtuam te’n damna ngah hi.
Laisiangtho sangkah na: -G.Th, B.Th Maranatha Bible College (MBC) Kalemyo, 1992-1995.-M.A, M.Div Living Center Theological Seminary Yangon,2003-2005. -D.D (Doctor of Divinity) “Salt Lake Bible College” USA , 2011, -Gam tuamtuam pan Certificates zong (6) bang ngah hi.
Pasiannasepna:(1)1979-81DolluangTuiphumpawlpiahPastor sem a, 31.3.1982 ni-in Dolluang AG pawlpi phut hi. Hihhunsungin, Tuivial, Pimpih, Singgial AG pawlpi Topan phutsak hi. 1987 kumin a innpi sikkang inn that 2, AG Biakinn dingin piakhia hi. (2) 1982-1988 Dolluang AG pawlpi ah Senior Pastor sem hi. (3) 1988-1994 Thingunau AG pawlpi ah Senior Pastor sem hi. (4) 1995-1998 Kalay AG Sectionah Super intendent semhi. (5)1999-2000 Thingunau AG pawlpiah Senior Pastor semkik hi. (6) 2000-Yangon khuapiah, Missionary leh Laisiangtho sangmun 3 ah Lecturer sem hi.
Lailamnasep na:1984 kumin pianthakna thu at in, Bu 1000 hawmkhia hi. 1989 Thingunau AG pawlpi zatding (zattang zang) labu 400 bawl hi. 1993 Maranatha Bible College ah zatding (Chapel-Hymn) bu 100 bawl hi.2012-2015 Zogam “Thusuak Late” (Tonic Solfa-Notation) bu 500 bawl hi. 2012-2015 Dolluang khua tangthu bu 200 bawl hi.2013-2014 Dolluang khua Zanniet Beh taangthu bu 100 bawl hi.2015 – Laisiangtho (O.T & N.T Concordance)bu1000bawlhi.
Pahtawina:-1976-2001 Kalay AG Section (1)in Section Ukatah siam pahtawina pia hi. -1984-2008 Thingunau pawlpi in, pawlpi itna tawh hongkem ci-in pahtawina pia hi. kum D.C (4) in Licence Pastor leh 1990 kum General Council (AG) in Ordined pia hi.