Rev. Dr. Neng Khan Thang ( D.Miss)
Rev. Dr. Neng Khan Thang pen Pa Zam Do leh Nu Niang Huai te sung pan 2.1.1954 ni-in Tonzang khua ah suak hi. Amah
pen RCM Pawlpi sung pan khangkhia a, May 14, 1976 ni-in piangthak hi. A pianthak pan Pasian nasep kipanin kha mangthang
tampi tak manin, Pawlpi tampi zong phut hi.
Tua banga lungdamna thu genin a vak kawikawi sungin Tedim gam, Tonzang gam, Tamu lam leh Kawlzang teng khua (61) leh Manipur ei mite lak leh Mizo gam ei mite lakah vak kawikawi hi. 1982 kumin EBC gambup sia kipia a, 12.2.1983 ni-in tuiphum sia (ordination) kipia hi.
Lai Siangtho sang a kahna ah India pan B.Th; B.D ngah a, USA pan
M.Th; D.Miss ngah hi. A innkuan un Yangon ah Grace Baptist
Church (EBC) Pawlpi khat leh Grace Baptist Theological Seminary,
Lai Siangtho sang khat phuan uh a, tua lai ah Pastor leh President
sem hi. Tua banah sangnaupang te Pawlpi phuhsakna tuamtuam
zong sem lai hi. A zi Sianu Gin Go Niang tawh tanu (3) leh tapa (1) nei hi. Tate: (1) Nu Huai Sian Ciin+Dr. Hung Suan Kim, (2) Nu Ciin Hau Lun + Pa Sian Sung, (3) Nu Suan Khawm Huai + Pa Vualiansuum, (4) Tg. Do Sian Piang