Rev. Dr. Pum Za Thang (D.Min)

T. Neng Gin (Tombing) siampu leh Nu Ciin Vung te sung panin 1947 kumin Palvatawm khua Manipur State ah suak hi. Sanggam pasal lakah nautum pen hi a, Nu Than Ching tawh kiteeng in tanu Lydia Vung Lun Kim khat bek nei hi. Calcutta Bible College pan B.Th, Berean Baptist Bible College & Seminary, Bangalore panin B.D leh 2002 kum
Oral Robert University USA panin Doctor of Ministry (D.Min) ngah
hi. Thesis: “Training Zomi Christian Leaders for Missions to Hindus and Buddhists”.

Pasian nasepna: Pasian thugen leh missionary akuan na
ah 1969 kum leh 1976 kumin nihvei thong kia hi. 1976 kum Chin State ah lungdamna thu gen dingin hongkuan a, Haiciin khua panin Rev Pum Za Thang, Rev Pau Khan Lian, Rev Lam Khan Thang tawh galkap ten manin Tonzang thong ah koih hi. Captain, Mang Cin Pau lam honsakna leh Pa Hau Siam (T.E.O) makaihna tawh suahtakna ngah hi.

Nasepna: Evanelical Convention Church ah Assistant Director of Ministries, Youth & Evangelism sem hi. Tulaitak in Executive Director, Gilead Ministries & President, Gilead Evangelical Theological Seminary Bangalore, India ah sem hi. Topan alunggulh mah bangin thupha tam pia a, gam tuamtuam ah zong conference leh zin mang in hawhzel hi. 1978 kumin Haggai Institute Singapore leh Amsterdam 1983 (Holland) ah pai ngei hi.

Laibu at te: (1) Gupna ni (1975), (2) nang leh nang kisin in (1988), (3) Tuailai leh koppih zonna, (4) Mangpha lawhsapna – Zingpha lawhcinna, (5) Zogam khanlawhna leh Missionary Box (2016).