Rev. Pau Suan Kam, Th.D.
Pu Gin Go Thang(Jasuan Kawngte) leh Pi Dim Go Lian (Lethil) sung pan in Nov.14, 1968 kumin Buanli khua, Tedim
Township ah suak hi. Unau suah pih 8 sung panin a u thumna hi. Feb. 4,2004 kum in Pu Gin Za Mung (Suankhup) leh Pi Ning Hau Cing (Guite)te’ tanu u pen Lia Dim Lam Vung tawh Cope Memorial
Baptist Church ah pum khat suahna nei uh hi.
Pilna sinna: 1974 kum tan lang pan 86 kum in tan 10 dong
BEHS(1), Tedim ah sang kah in tan 10 zo hi. 1986 a kipan Mandalay
University ah Burmese major la in university kah hi. 1988 kum
kawlgam bup lungphona hangin sang kah zom thei nawn lo hi. 1994
kum in MIT, Seminary Hill, Insein, Yangonah B.Th. kah in 1999
kumin First position tawh gual zawhna ngah hi. “The Theological
view of bloodshed and its value in Tedim Tradition: A Comparative Study of Theological outlook of Bloodshed in Jewish Culture” tawh thesis gelh hi. 2000 kumin MIT sangpi mah ah M.Div. program zom kik in 2003 kum in M.Div. degree ngah hi. “Rethinking calvinistic Doctrine of Predestination” tawh thesis gelh hi. 2004 kum pan South East Asia Graduate School of Theology, Myanmar Area ah Master of Theology program zom in 2006 kumin M.Theol. degree ngah hi. A thesis thulu pen, “The unkhown Image of God in the Primitive Chin Religion: A Theological and Philosophical Approach” ahi hi. 2008 kum pan in Luteran Theological Seminary, Hong Kong ah, Th.D. sin h. 2011 kum in Th.D. degree ngah hhi. A dissertation thulu pen, “Jurgen Molmann’s Understanding of Hope as a Hermeneutical Bride for Dialogue Relationg to the Christian concept of Kingdom of God and Buddist’s concept of Nirvana” ahi hi.
Nasepna: 1999 kum in Tedim Theological College ah hun lang sia sem hi. 2003 a ki pan in Tedim Theological College ah full time lecturer sem hi. Academic Dean, Vice principal cih bang in vaipuak nei toto in 2014 pan ki panin Principal pan mun la hi. Tate: Pasian in thupha pia in tanu 2 leh tapa 1 nei hi. (1) Lia Lian Tawi Par, tan 6, (2) Tg. Thang Khan Ban, tan 4, (3) Lia Cing Sian Deih, Mucu.
