Guitar Tumsiam Mg Muang (Born Naked)

Minpi: CIN SIAN MUANG ( Mg Muang )

Khua lui: Pianna khua pen Ngente, Thalmual mi

Suahni: December 4,1979

Lai Pilna: BLA in Music, MA Education ( Andrew University)

Pianna Tuun leh Zua min: -Nu. Luan Khan Dim -Pa. Vungh Do Thang leh

Sanggam Laizom te min: -Vung Khan Nuam @ Nuamboih (singer) -Niang Ngaih Khawm -Zen Nuam Lun -Vungh Than Kim -Cin Sawm Piang -Cing Suan Lian -Kap Lian Cing -Pau Sian Khual

Ukna ( Hobbies): -Listening music, lai at, la phuah, laibu sim, football kimawl, teaching music, guitar puah

LST bulphuh: -Matt 6:33, -John 3:16, -Psalm 1:1-4, -Philippians 4:1

GZC Q1. Laphuah/Music lam na kidiah zawh asawt ta na. Nong genthei ding hiam?

MG: 2000 pan music tawh nasep kipan ingh. Tua aa kipan tuni dong mah ka nasep pi pen hi. Kum 14 ka phak pan la phuah kisin ingh. Lasak bel ka neu tung pan ka uk khat hi. Guitar tum ka uk zah mah in lasak uk ingh 2003 ciang bang la naksak mahmah ingh. Tua khit bel guitar lam bek nak tum zaw in lasak khawl san pianpian ingh a hih hang ka nasep profession khat a hih man choir makaih na cih dan leh sang ah music hilh na ah sak loh phamawh a hihman khawlbawl thei tuan keng. Professionally in bel lasa lo hizaw ingh.

——-

GZC Q2. Zomi sungah nangmah bangin kawlla, mangla leh minam dangte i la vasak pihthei le va tumpih theiding ih neih na angtang hiam?

MG: Angtang peuhmah ingh. A hihhang eila eipau paisan liangh leh sa thei nawnlo or sa nuamlo cihdan te bel kipuah phat huaisa ingh. A kisapna na ah a hunzui in kizat theih ding thupi leh hanciam huai pen sa ingh.

——-

GZC Q3. La/Music/Note nang i idea ngiat tawh nagelh gei hiam, Na musictum/laphuah/ lakpan hoih nasak pen in bangla?

MG: Ka late a tamzaw kei original hi. Ka kipat cil lam in bel copy ka sak zong om leh translation la bawl zong dawng 10 kiim bang om veve. Pasian tawh ka kizopna ong tha hatsak den khat, ka la phuah te sung pan mi tampi ong deihpih khat bel “ Topa Muang in” a cih ka u Nuamboih sak pen. Tualo a dang khat album thak ka bawl sung pan “ Ka Topa’n hong za” cih te 2

——-

GZC Q4. Zomi te koici kalsuan leng mailam ah music lam ki khangto theiding?

MG: Music lam I khantoh nop leh>>> -Innsung ah music standard nei te tampi naupang te zak ding in hong den ding. Music instrument a sawk theih ding uh koih sak ding. A siatsak vua leh zong a dang leisak kik ding khoih saksak ding toys tang in zangh zo le uh instrument khat pepeuh ong siam lel ding uh hi. Kum tawm lai naupang te music education kician sinsak ding. -Music theory gina tak sinsak ding. Cimphawng tum bek tawh ki khuasuak zolo in, a bul abal mah aa kan vilvel zo te mah belhcian dawl zawdeuh hamtang. -Nu le pa ten music sin pen kivak na ding bek I sak khak pah loh ding thupi hi. Kivak na ding bek I ngaihsut pen a met ne nuam bek himawk a hihman tua ngaihsut na pen paikhia masa ding thupi hi. Music pen educational learning a hih lam nu le pa ten a pomsiam kisam hi. Pawlpi in khangno te music lam ah pantah zo leng. Music zahtak siam sak leng: gtn, Biakna ah a kilawm lo Music te pen biakinn ah ong tum loh nang uh counselling piak kisam. Secular life a hih leh lah Khua makai ten a kiva leh a hanciam pih tak te thapia in sinsak in a siam uh teh khuasung naupang te hawmsawn kik sak ding etc. Lai bang bawl ngiat ding in goal kician neisak ding.. baih het lo kha thei a hih hang khantoh nop leh I tuacih kisam ding..

——-

GZC Q5. Music tawh a kisailo na gennop khatpeuh hong luikhia dingin hong thuum ungh.

MG: Leitung khantoh tawh kizui in Zomi te living standard zong khangto ta a hih teh pupa thukhual na leh cihtakna I khahsuah loh ding thupi. Makai a sem ding khat pepeuh in ei tawm vei nopsak pak ding lunggulh na hang in khua le tui in gentheih lawh phamawh asa lo te I hih loh ding khang thak te ong hanthawn nuam ingh. Jazz music pu Scofield in na khat peuh na siam nop leh nai 10,000 practice kisam ci hi. Cihtak na leh kuhkal na kisam hi. Shortcut tawh master cih bang siamna khat peuh sinna ah omlo theilo hi. GZC ten kei bang lel ngaihsut na thu sun khuan nong piak uh ka lungdam.

——-

GZC :- Kohzong lungdam lua ey maw, kahun geelte uh hong picinh nahih manin, mailam ah na kalsuan na, nasep, nabawl khatpeuh ah Zomi te a laamsang zo semsem dingin hong lamzangh toto laita in. Na Zomi pihte in hong angtang lua ungh ei maw.