J.Khat Suan (B.Sc.Foresty)
Pu Goih Za Thang(Gualnam-Songlam) leh Pi Dim Khaw
Niang te sung pan 1929 kum in Teeklui khua-ah suak hi.
Sangkahna: Tedim panin tan li zo hi. Shillong, Assam Hills ah sang zom hi. Tan X laivuanna kawlgam bupah a khatna ngah hi. 1955 kum in B.Sc.(Foresty) degree ngah hi. Zomi sung pan Forest department ah vuandok za ngah masa pen ahi hi.
Na sepna: 1955 kum degree a ngah khit ciangin State Timber Board ah sem hi. Galpi nihna sung in Phaipi-Tedim kikal lamtawhna ah kuli-gaung sem hi. Japan te om sungin lam kuli sem hi. Mangkangte India pan hong pai suk kik ciangin Tedim dong hong makaih hi. Tedim ah kum 3 sung sangsia a sep kawm in tan X zo hi. Teeklui ah Private sang phuan hi.
Pahtawina: Tan li ah scholarship ngah hi. Manglai pan Zolai Dictonary 1956 kumin bawl a, Zolai tawh dictionary bawl masa pen ahi hi. Tua banah Political Science zong Zolai in tei khia hi. Minam khantoh nading nakpi in deihsak in makaih hi. Pu Gualnam suan’ Pu Songlam’ innkuan khang tangthu a pan masa hi a, manglaitawh thu masa(preface) zong na gelh hi. 1960 kumin leitung nusia hi.
Tate: (1) Nu Ning Sian Man + Pa Go Za Kap (Songlam)Tedim, (2) Pa Thang Deih Tung + Nu Nian Do Cing(Songlam) Kalaymyo, (3) Nu Man Khen Cing+Pa Zen Sian Piang(Sukte), Kalaymyo, (4)Pa Tual Za Khen+Nu Tin Tin Kyi(Kawlte)Yangon.
