Pu Hau Za Nang Kim Lai
A pian na: Zogam, Tedim Township, Buanman khua Pu.Thuam Cin leh Pi.Hau Cing te tapa tanu 7 lak ah a thum na hi in 1925 December 27 ni in Buanman khua ah suak hi.
Pilna sin na: Thuklai Primary School ah 1933-37; Khuasak Kawllai sang ah, Tedim A/V Middle School; S.H.S Thuklai leh Cushing High School, Rangon (1948-49) pan Matriculate zo hi. Rangon University ah (1949-1955) kum in B.Sc (Foresty) zo hi. Australian National University –ANU, Canberra ah Colambo Plan State Scholar in pai in Diploma in Wood Technology sin hi.
Kumpi nasep na: -1955 April – Gazetted Pay, Acting District
Forest Officer (DFO) zaa tawh Forest Department ah ki pan
hi. – 1956 Jan – ANU, Canberra, Australia ah kum nih sung
Further Study pai hi. -1958 – Rangon Head Office ah Working Plan Department ah seem hi.-1959 – Britist leh American Forest Experts te gel tawh kawlgam Wild Life Survey bawl in, Kachin gam Putao area, Khakaborazi area, India – Burma gamgi teng, Kawlgam khang lam Myeik, Dawei, Kawhtawng leh Thailand gam Ranong dong research bawl in kum khat sung pai kawi kawi hi.-1960 May – DFO Promotion ngah in Rangon Head Office ah Working Plan Department ah zom kik hi.-1961-1966 – Upper Chindwin, Maw laik ah DFO zaa tawh seem leuleu hi.-1967-1974 – Toungoo District Officer Forest zaa tawh seem leuleu hi.-1974-1978 – Kayah State ah DFO zaa mah tawh seem leuleu hi.- 1979-1988 – Chin State, Hakha ah Head of Chin State Forest Department ah seem hi. -1989-1990 – Sagaing Division ah Conservator of Forest (Director of Forest) in zaa khang hi.-1991 kum in Sagaing ah inn khat lam in kum cing Pension a la ta hi.
Zi neihna: 1964 April 24 ni in Daw.Khin Swe Oo tawh ki teeng in tanu 3 leh tapa 1 nei hi.Zogam sung nasep na: Hakha, Falam, Tedim, Mindat, gam te ah a gam tawh ki tuak in taak sing, dol sing, Eucalyptus, Syinet kung te Acre 1400 suan sak hi. Thuklai leh Buanman kikal mawtaw lam to sak in “Kimlai Road” ki ci hi. Falam, Tedim, Ngawn te a ding khua thak sat sak aa, “Kimlai Khua” ki ci hi. Sihzang kam – Mang kam – Kawl kam tawh Dictionary lai bu hoih hong bawl sak hi. Rangon, Hmawbi, Sagaing a inn te a ut na peuh peuh ah om kawi kawi hi. 2012 August 8 ni in Topa kiang ah hong ciah san ta hi.
Pu Kim Lai’ la:(a) Vaimang sesum Yangon lei-ah i zekzek sangin Zogam lei-ah phung le gual tawh vai lo kuan ma ciang ki suang lenlen, bemtang dim ding ken lah ngai zaw’ng. (b) Ken lah ngai zaw’ng thang nem huih khi sem vingving tha tawh khua leng zai tha ni bang tang ding a, kangsing muang ding nunnop zatam sial na’n lawm aw ee.
Tate: (1) Daw Man Deih Kim Lai, AGTI, (EE/Patein), (2) Daw May Tin Kim Lai, BSc., MSc.(Botany), Dip. in Japanese, Lecturer, the Department of Japanese Language, The University of Foreign Language, (3) Daw Si Se Kim Lai, BVSc., Business Head, Mega Ligesciences, (4) U Thian Khai, BSc.(Zoo), Private Company.
