Dr Cin Hen Thang
Tonzang khua Gin Khaw Thawn (Bawmkhai) leh Sister Neam Khaw Mang (Thuklai) te sung pan unau 4 lak pan a 3 na hi a, 12.8.1974 ni-in Tonzang ah suak hi. Sanggam laizom te (1) Rev Nang Lam Kim, (2) Siama Huai Lun Cing, (3) Sia Lian Khan Piang te hi. Tuithang te Pa Kham Khan Mung (Ngaihte)
tanu Nu Ning Do Lian tawh kiteeng a, tanu tapa 3 nei ta hi.
Sangkahna: 1981 kumin sangkah kipan a, a khatna, anih na, athum na cih bang ngah den hi. Tan 8 laivuanna ah distinction 4 ngah hi. 1992 kumin SHS Tonzang pan tan 10 zo a, distinction khat ngah hi. 2001 kumin Institute of Medical I (I.M.I) Yangon ah B.DS zo hi.
Nasepna: (1) 2002 School Health Department Hakha ah Ha siavuan (Dental) tawh kipan hi. (2) 2002 kum Hakha khua leh Tonzang khua ah Christ Compassion Ministry phuan. (3) 2004 kumin Tedim zatopi ah, tua panin Kale General Hospital ah tudong sem a, 2017 kumin Assistant Director ngah hi.
Nuntakpih thubul phuh: (1) Zomi thu um (Christian) peuh mah cidamna lam leh thungaihsut na lam huh ding. (2) Pasian nasem te hehpih in tu ciangciang motor cycle (5) piakhia ta hi. (3) Zomi Christian te sungah Pasian thu agenkawm in Ha amawkna in bawh sak ziahziah hi.
