Dr. Sian Za Kham
Tonzang khua Pu Thang Khaw Bia leh Pi Vung Khua Ngai te tapa a kua-na leh a tumpen hi a, Tonzang khua ah 1.6.1933 in suak hi. 1964 kumin Nu Luan Ngaih Nuam tawh kiteeng uh a, tanu 6 leh tapa 1 nei uh hi.
Sangkahna: 1940 kumin Tonzang khua ah tan 1 kah a, leitung galpi nihna ma-in tan II zo hi. 1945 kumin Tonzang R.C.M Father Rev. Moses U Ba Khin’ Private Sangah kha 6 sung Manglai sin hi. 1946-51 Tedim High School ah tan li tan sagih Scholarship ngah hi.1951-53 dong Mandalay St.Peter’s High School ah kah a, 1953 kumin tan X zo hi. 1953- 61 dong Yangon University ah kahin MBBS degree ngah hi. 2000- 2002 (Master of Theology) M.A. Faith Baptist Bible College and Seminary, Certificated by Dr. W. Kempton in Yangon in the year 2003.
Training kahna: 1965 in Yangon ah Township Medical Officer Re-orientation Course, kha 2 kah hi.1966-67 dong Post Graduate D.A Course, Yangon ah kah hi.Nasepna:1962-66 dong Falam, Hakha, Matupi te ah C.A Surgeon sem hi.1976-75 dong Falam Zatopi ah sem hi.1975-77 dong Moulmein Zatopi ahsem hi.1977-82 dong Consultant Anaesthetist tawh Falam Zatopi ah sem hi. 1983-90 dong Pathein Zatopi ah sem hi.1990-93 sungin Leuturer Head of Aneasthesia Department, Central Women’s Hospital, Yangon ah sem hi. Falam, Pathein leh Yangon aha sep sungin Kawlgam buppi kumcin Siavuan kikhopna ah a sepna tawh kisaiina thugelh simkhiatna (Paper Presentation) thumvei bawl hi. 1972-87 ciang Burma Red Cross Society ah Central Council Menber sem hi.1993 in pension la hi.
Gamdang paina: 1995 pan 1996 in Cambodia ah R.C Pawlpi NGO Co-ordinator (COERR) sem a, tua hun sungin study tour in Japan leh Thailand ah zin hi.
Tenna: Tedim ah Private Clinic semin Yangon ah teeng hi.Tanu tapate: (1) Daw Ngai Lian Cing, B.Sc.(Zoology) USA, (2) Daw Ciin Hau Niang (BSc, Physic), 3 D, JAT(Yangon), (4) Lia Nuam Khan Hau, Nurse, BRE +Pa Nang Khan Siing (Yangon), (4) Lia Cin Lam Lun, BSc., +Pa Ngin Khan Suan (Japan), (5) Lia Thang Lian Man (Tedim), (6) Lia Dim Lam Vung, B.A. (History)+Pa Mang Khen Cin (World Vision), (7) Tg. Thang Cin Mung +Nu Ciinpi (USA).
(a) Et a lawm nam, lambang vel dih ni e, lungtup gel cinna hi ee,
(b) Khang sawnte’n tu bang cing hen aw, mabang ih patna hi ee.
(a) Pupa tuan sinthu lelna gui bang zop na’ng, khang sawn te’n zun lai hen aw, (b) Khuamual lum suang al bang mang thei, ka banzal tul mawh hen aw,
(a) meelmak zatam tang bang dam nang, ni cin zing vai hawm ing ee,
(b) Tong dot lunmang a hawm siam ven, zalai gual tung tuang sak ee.