Pu Ngo Nang

Pu Thang Khai leh Pi Suan Ko Vum te tapa hi a, 10.5.1940 ni-in Limkhai (Zongal) ah suak hi.Insein panin Gold Medal ngah in AGTI ong hi. Construction Department ah nasep lutin Khamtung gam khua tuamtuamte ah Township/District incharge ahizong, ah construction incharge ahizong, yangon Head Quarter ah ahizong semin piang kawikawi a, Executive Engineer zaa tawh in pension laa hi. Thuklai sangah tan 7 Scholarship ngah masa pen hi. Limkhai Sealmang tuu Pu Tun Vungh tanu Nu Thang Ko Huai tawh kiteeng a, tapa 2 leh tanu 4 nei uh hi.

Tate: (1) Nu Vung Khan Ciang, (2) Nu Neam Khan Dim, (3) Pa Khai Cin Pau, (4) Nu Cing Thian Dim, (5) Nu Zam Za Cing, (6) Tg. Vungh Khan Cin.