Tg Tuan Khan Siing
Captain, Gin Za Mung (Tongluai) leh Nu Ciang Lian Cing (Naulak) te sung pan 11.7.1983 kumin Mingaladon galkap zatopi pan suak hi. Sanggam laizom neilo hi. 1989 kum ciang tanglang kah a, 2000 kumin BEHS Hlaing Myone pan in tan sawm hong zo hi. 2001-2002 kum Insein (Y.T.U) pan GTI, 2003-2006 kum Hmawmbi (G.T.C) pan B.Tech, B.E degree te hong ngah hi.
Nasepna: 2008 kum March kha panin Sagaing Division ah nasep lut in Assistant Engineer (A.E) tawh kipan hi. 2008 kum mahin Shan State Lashio leh Mandalay ah, 2009-2011 kum Mon State Tathong myo ah, 2011-2012 kum Yangon Division Ahlone, 2012- tudong South Dagon, Dagon Seikkan Myone ah semin, 2016 kum panin Head Office Executive Engineer (E.E) hong ngah hi. Tapa khat neihsun ahih mah bangin nulehpa it in zahtak mahmah a, hoih takin kemin vak hi. Pasian it in zahtak mahmah a, Zomi tangval mangpi za (Assistant Director) ngah amah bek ahi hi.
