Pu Gin Do Lian

Pu Hen Kho Thang (Gualnam) leh Pi Nuam Ngai (Hatlang) sung panin 18.8.1924 in Zampi khua ah suak hi. Unau 12 pha a, pasal 5 leh numei 7 hi napi, pasal 3 leh numei 3 bek suak ta hi. 1924-1944 dong Singgial ah teeng hi. 1944-1957 dong Seitual ah teeng uh hi.1940 kumin galkap tumin, kawlgam sung, Comlombo, Panjab, gam India gam teng ah Japan gal sung Parachute (Vanleng tung pan a tuak pawl ahi hi). Tagah baih ahih manin mite hehpih thuakpih thei hi. Tua ahih manin mi huh nuam hi. Japan gal sung haksat na a tuah ciangin lawk ki ahih hang hun ka ngah ciang Tapidaw suak ning ci-in khensat hi. 2nd Burma Rifle Syrian a om sung Prome ah galkap te zat Rev Maung Toe (Komen) kiang ah 1946 kum Tui kiphum hi.

1947 May 16 ni-in galkap tawp in Seitual ah ciah a, 11.8.1947 ni-in Kansau te Nu don Za Cing (Hatlang) tawh kiteeng hi. Tapa 6 leh tanu 6 Pasian in pia hi. 1950 kumin sum bawl kipan hi. 1955 kumin Rangoon ah Import Licence siau in om hi. 1957 kum ciang a innkuan un Seitual pan Tedim ah kikhin uh hi. 1958 kum in Ragoon ah Taih khan khat lei in (124-D Seihkanta Street, First Floor) Rangoon khua ah a teng masa pawl hong suak hi.1971 kum Kawlgam khanlawhna hunah piangthak pah lian a, Topa a dingin kipia khia in Gospel pai kawikawi a, a lungsim khempeuh leh aneih khempueh Topa adingin piakhia hi. Phaiza AG zong Sia A Hong tawh pai in va kip sak hi. A zi zong Cancer natna pan Topan damsak a, Kawlgam ading Pasian nalamdang masa pawl ahi hi. Topa sungah nop a sak mahmah laitak in, tu sung suak 25 leh tu sawn 2 leh azi a tate paisan in 18.2.1981 ni in a sam pa kiang ah tawlnga hi.

Tu laitak teenna: No.285, Ist Floor, Bo Aung Kyaw Street, Kyaukthada, Yangon.

Naseppi: Gin Do Lian and United Limitted Importers; Exporters General Merchants and Commission Agents (1958-64).