Pa Pum Za Cin

Saizang khua Pu Neng Zam (Hatlangh)leh Nu Tel Za Vungte sung pan 21-10-1966 kumin suak hi. Sanggam unau 6 pha hi. (1) Niang Lam Cing, (2) Zen Suan Mung, (3) Pum Za Cin, (4) Suangh Cin Pau, (5) Kham Cin Mang leh (6) Pau Sian Liante ahi uh hi. 1985 kumin SHS Tedim pan in tan 10 zo a, English, Chemistry, Physics, History subjectste ah Distinction ngah hi. 1985-1993 sung University of Foresty Yeegin pan BSc.(Foresty) degree ngah hi. Kum 6 sungin English subject ah distinction ngah den hi.

Nasepna: 1994 kum Assistant township officer tawh Hakha ah nasep ki pan hi. 1995-1997 Kanpalet myo 1997-2001 dong Mawlamyaing, 2001-2004 Pauk, 2005 Thibaw, 2006 Chauk myo te ah kikhin hi. 2006 ciang za khang in Township officer tawh Foresty Head Office, Naypyidaw ah kha khat sem a, Rakhine, gam Minpya, 2008 kum Paungtemyo ah tuni dong sem hi.

Zileta: Saizang khua, Pa Do Pau leh Nu Gim Khaw Dimte’ tanu upen Nu Lian Sian Niang tawh 1996 kumin kiteng a, tapa sal thum nei uh hi. (1) Tg Zam Cin Mang, (2) Tg Pau Sian Khan Khai, (3) Tg Mung Suan Lian te hi.