Dr.ZamLamThang (D.Miss)

Dr. Zam Lam Thang pen Pu Langh Za Gin leh Pi Dim Niang te sung pan October 4, 1952 in Lungphei khua ah suak hi. ZBA
(Zomi Baptist Academy) sang leh State High School, Tedim ah sangkah in 1972 kumin Matric zo hi. 1973 kumin pianthak na ngahin 1975 kum ciangin Topa nasepna ah kihel hi. Bharat Bible College, India pan B.Th ngah hi. 1983 kumin, Berean Baptist Bible College & Seminary, India pan B.D ngah hi.

1984 kumin, Asian Christian Academy pan Master of Sacred Theology (S.T.M), 1994 kumin, Dallas Theological Seminary pan (S.T.M), 2005 kumin Faith Theological Seminary, Philadelphia panin Doctor of Missiology (D.Miss) ngah hi. February 22, 1987 ni, EBC gambup khawmpi Leilum panin Tuiphum sia kipia hi. Leilum EBC Pawlpi ah 1985- 1988 ciang Pastor sem hi. FBBC&S sang kihon na ah sia masate in kihel aa, 1993 kum dong Academic Dean sem hi. December 10, 2012 ni, van innpi ah hong ciahsan ni dong Baltimore EBC ah om hi.

1986 kumin Nu Dai En Niang tawh kiteeng in Pasian piak tanu tapa 5 nei uh hi. A nusiat a innkuanpih te Philadelphia, USA ah teeng uh hi. Theih ding: EBC Pawlpi a piankhiatna ding aa, Pasian teel, minthuh te lakah khat in kihel hi.