Rev. Dr. Kham Khan Khai (D.Min )
Pa Thang Suan Pau leh Nu Vung Khaw Niang te tanu tapa 10 lakah a 6 na hi a, 27.10.1962 kumin Nahnuai khua ah
suak hi. 1984 kumin Mindat pan tan 10 zo hi. Yangon ah Evangelical Bible College pan 1991 in degree ngah hi. Pasian nasep leh lai lam nasep uuk hi.
Zangkong Awging (1990) kumin phuan hi. ZOLUS phuatcil nading a petvang leikha hi. Mangpau in initiator (or) originator hi. 1994 kumin mi 10 tawh kiphuan hi. Zolai limgelh ding, grammar bu leh dictionary bawl zawh ding lunggulh pi-in nei hi. 1982 kuma kipanin Pasian nasem ding sawlna ngah hi. 1983 kumin Mindat ah Pasian nasep kipan hi. 1987 September 13 ni-in Yangon ah Rev Dam Suan Mung tawh Full Gospel Assembly phuankhia uh hi.
1991 kumin ordination ngah hi. 1994 June kha in USA ah laisin kawm dingin pai a, Oral Roberts University ah kah to to in M.Div a ngah khitteh May 7, 2007 ni-in Doctor of Ministry (D.Min) ngah hi. 1997 kumin Pa Sing Khan Lian leh Nu Marlar te tanu Mary Cing Suan Dim tawh kiteeng in ta 2 nei uh hi. Title of Study:”Increasing Knowledge of Teaching And Learning For The Faculty Members of Southeast Asia Bible College In Myanmar.”ZOLUS phuancil mi 10 sung pan Doctrate ngah a lina hi.Teenna & Sepna:Myanmar Christian Church, Tulsa, USA.
