Lasiam Khuppi (Doron band)
Minpi: Thang Sian Sawm Khup (Khup pi)
Beh : Naulak
Suahni: 13 Nay
Khamkhua: Tuimui, Tonzang Tulai tak omna: Yangon
Lai Pilna: Graduate (Dagon University)
Sanggam Laizom te min: -Unau 10 pha in ah, pasal 5 le numei 5 lian hise ung, kei aneu lampan a thumna hi ing
Pianna Tuun leh Zua min : –Nu Cing Dim ( Nu ) -Rev. Dr. Thawng Za Mung ( Pa )
Ukna (Hobbies): Lasak, Music, Video zaih le Editing
Kammal hoih: Topa in nang a ding a hoihzaw hong geelkholh sak hi.
GZC Q1. Hong dongpah saisai nung, Laphuah/Lasak lam na kidiah zawh asawt ta na. Album/Mv bangzah bawlkhin, Nong genthei ding hiam?
KP:- Ka neulai in guitar tum na uk in, tan 8 pan lawmte la uk pawlkhat tawh kikhol kha in a lasak sim uh guitar va tumsak theu zel e, guitar kei i professional line ding hilo hi cih ka tel takteh lasak lam kihei in ah, pawi khatpeuh omleh lasa pahpah in, kum 2019 ciang lakhui bawl ding geelna neu in, kum 2010 ciang PTL ah sum omvetlo pi hita seleh kipan khia ing, kum 2013 ciang lakhui masa pen kawlla solo ” Lube Atutube ” cih a hawmkhia zo suak ing. Album bel kawlla MV khui khat leh Zola khui khat suak ve.
GZC Q2. Zomi sungah nangmah bangin kawlla, mangla leh minam dangte i la vasak pihthei le va tumpih theiding ih neih na angtang hiam?
KP:-Antang mahmah ing, Kei ii ngaihsutna bangin a pai thei ding hileh khangthak te kawlgam om a hiphial zongin, koikoi a ih om zongin mangla mah hanciam in ah, mangla khui khong thuh zo leng cih pen ka lungsim ah lunggulh mahmah ing.
GZC Q3. La/Music/Note nang i idea ngiat tawh nagelh gei hiam, Na lasak/laphuah/ lakpan hoih nasak pen in bangla?
KP:- Kei ii idea tawh ka phuah dawng 3 sang tamzaw peuhmah dinghi. Ka lasak khitteng lakpan tua hoihzaw deuh cih ding omtuan kei, avek a ka deih vive hipah hi.
GZC Q4. Koici kalsuan leng mailam ei Zomite music sung kipum khat in ki khangto theiding?
KP:- Australia lam USA lam khong ah a om khangno te ka hanthot nop ah Zola bel sa ni, Zomi ihih na ah Zolai pen a kipai theilo mangngilh sawmlo ding, a khatna in koih hamtang ding, Zola khitteh Kawlla, Kawlla bek thamlo Mangla, mangte lak a thuphauh ngiat leng min hong thei dingin ah i gil vah baihzaw inteh maw, tua hileh ki khangto ngiat ding, amah ei ii nasep na mi ii hong theihna pen tanzai lua kikhai lua e maw.
GZC Q5. Music tawh a kisailo na gennop khatpeuh hong luikhia dingin hong thuum ungh.
KP:- Pasian theilo a minthanna, hauhna le pilna cihte pen a mawkna pi hilel hi. Ih nasep khatpeuh ah Pasian phawk kawmin, Pasian mah masa sak den leng, ih tuah bangbang apuak na zangkhai zaw deuh hi. Lungdam
GZC tanu te : Koh lungdam zaw kan ungh e, kahun geel sa uh hong picinh nahih manin, mailam ah na kalsuan na, nasep, nabawl khatpeuh ah Zomi te a laamsang zo semsem dingin hong lamzang toto laita in. Na Zomi pihte in hong angtang lua ungh maw.
