Kineihsiam Sm. Lu Lun (Cingno)
Amah pen Zomi limlak/limcing/kineihsiam ih neih te lakpan a minthang vangvang Cingno ci a kithei ” Ngaih ang lai ah” leh “Ngaih ang lai mah” kah limlak siam Sm. Lu Lun hi.
Min pi: Go Deih Lun(Hatzaw)
Kham khua: Mualpi
Tulai tak omna: Zangkong
Suahni: 17-1-1980
Lai pilna: Tansawm ong
Tuun le Zua min: – Zir Mawii ( Nu ) – Khup Suan Gin ( Pa )
Pian pih sang gam te: 1.Zam Sian Thang 2.Lal Vul Liani, 3.Za Hlei Thanga 4.Nang Van Lian 5.Niang Deih Huai
Ukna (Hobbies): Lasak leh limlak
LST mun: Psalms (103) bup
GZC Q1. Hong dongpah saisai nung, Zomi movie lam na kidiah zawh asawt ta na. Movie bangzah ah kihel kha le bangzah bawl khin, Nong genthei ding hiam?
DL- Movie ki zaih zawh ong sawtpian tamah ei,(2003) kum hi.Movie nih ah ki helkha ing.”Ngaih ang lai ah” leh “Ngaih ang lai mah” cihte hi.
GZC Q2. Zomi sungah nangmah bangin mikang te movie ah kihel thei le Zomi lasiam mangla, kawlla siamtak a sa thei ih neih na angtang hiam? DL- Angtan huai sa mahmah ing.
GZC Q3. Movie script nang ii idea ngiat tawh nagelh gei hiam, Na movie shooting ciang haksatna na tuak gei hiam?
DL- Movie script gelh ngei keng. Movie kizaih ciang hatsat nate pen ka khatvei sepna ahih ciang in,midan in kisin khawlhna cihbang omlo ahih man in atungteng pen baih keimah ei. A hih hang kasep kawmkawm in Topa’n siamna hongpia hi leh kilawm sa ing.
GZC Q4. Zomi te koici kalsuan leng mailam ah movie hita leh music sungah kipum khat in ki khangto theiding?
DL- Amasa pen in ngimna leh veina cihte kisam sa masa sapen ing,tua khit ciang khat leh khat itna leh deihsak na tawh lung kituak in mapang Khawm thei hileng khangto lua ding hi hang.
GZC Q5. Movie tawh a kisailo na gennop khatpeuh hong luikhia dingin hong thuum ungh.
DL- Zomi te pen mi namdang te tawh teh na in namneu ibat hang,anungta Pasian bia te ihih man in koikoi ah i om zong in Topa’n alam dang in alap sangte leh Pasian maipha amu te ihi lam pen namdang te in zong hong tel mahmah ta uh hi. Tua ahih man in i hamphat na te Mang ngilh kei ni, ki it diam diam ni
A mel ong dawk sak pah pah vuau,a hoih hoih tawh😁
Thupi lua. Hih sang dotna tam kidong thei zaw lai leh, ama tangthu a kicingzaw leh a nasep silbawlzia tepawl, innkuan vai, ta nei maw nei lo cih tepawl leh a tuamtuam ahi zong
himah ei, hanciam lai ning ei maw