Sia Thang Za Kam

Tonzang Lailui Tedim khua mi Pu Thawng Pau (Sukte) leh Pi Cing Za Niing te sung panin 1918 September kha in Tonzang ah suak hi. Sanggam unau 6 lakah a 5 na hi a, Pi Niang Za Dim tawh kiteeng in tapa 5 leh tanu 4 nei uh hi. Tonzang kumpi sangah tan 3 ciang kah hi. 1947 kumin Rev Nelson hilh Tedim kam tawh Laisiangtho sangah kah hi.

Nasep nate: (1) 1938-43 kum sung Kam Hau gam ukpi zum, Tnozang khuaah lai at sem hi.  (2) 1947-52 kum sung Tedim Tuiphum Pawlpi ah huhpa sia sem hi.(3) Tedim Concos Society ah Auditor sem hi. (4) 1958-59, 1960-61 kum sung Tedim kiim Tuiphum Pawli ah Chairman. (5) 1958,1960,1961 kumsung TBAEC ah Upa (Member) TBA Relief Committee ah Honorary Treasurer leh Member. (6) 1965-1966 kumsung Tedim Baptist Churches Union ah Founder & Pastor.

Nasepna leh ma panna: TKTP ah Chairman asep sungin Laisiangtho a pomzia leh a kalsuan zia tawh kisai kimuh khialhna tampi piang a, 1965 kum ciangin TBA panin kihawl khia hi. Tua panin Tedim Baptist Churches Union (TBCU) cih kial lap min tawh Pawlpi khat in ding hi. Hong nusiat zawh 1969 kum ciangin Pawlpi mite in Pawlpi min Thang Za Kam Baptist Church (TBC) ci-in laih hi. Biakna laibu tawh kisai in aniam pen gamtatna, pattahna, lamlak, hunzang ding te kiginna, biakbuk thu, Laisiangtho thak thu mapi, leh adang dang thu tuamtuam pawlkhat gelh hi.1960 kumin TBA Secretary Rev Kam Khaw Thang kiangah Tedim pau a, Laisiangtho thuciam lui teikhiat ding thu agen na tawh kizui in Rev Kam Khaw Thang in maban zomto in 1970 kumin Laisiangtho kingah hi. Sia Thang Za Kam in Pawlpi thak aphuh zawh asawt lo in 11.7.1966 niin leitung nusia hi. Thudin pih: Mihing vaipuak abulpi in Pasian zahtakna leh itna tawh athupiak te manding ahi hi. ( Thuhilhsia 12:13 ).