Rev. Mang Sian Thang

Pianna

Laaitui khua mi Pa Khual Za Gin leh Nu Ciang Khan Ente tapa u pen hi a, January 3, 1960 ni in suak hi.

A suahpih laizomteng

1. Nu Awi Dein Cing
2. Nu Ciang Deih Man
3. Nu Zam Deih Lun
4. Nu Do Lam Cing
5. Pa Khen Lian Mang

September 12, 1979 ni in Zeisu Khazih gumpa leh honpa in sang hi. A zi Nu En Za Ning tawh July 19, 1984 ni-in kiteng uh a, tapa khat leh tanu thum nei uh hi. Tate’ minte; (1) Gin Tung Mung, (2) En Lawh Dim, (3) Kim Ngaih Lian leh (4) Kam Sawm Vungte ahi hi.

Nasepna

• 1978-1991 Road and Transport Co-operation (R.T.C), Kalemyo ah zumlai-at sem hi.
• 1988-1995 Full Gospel Business Men’s Fellowship International, Kalemyo Chapter ah Chapter President sem hi.
• 1992 Agape Assemblies of God, Kalemyo ah hunbit in Pasian nasem hi.
• 1993-1995 God’s Trio Partners for Mission (Myanmar), Yangon ah Intercessor Co-ordinator sem hi.
• 1996 Full Gospel Christian Church, Yangon ah Evangelist sem hi.
• 1997-1999 sung Philippines ah Pasian thu sin (Lai Siangtho sangkah) in B.Th ngah hi.
• 2000-2002 God’s Trio Partners for Mission (Myanmar), Yangon ah National Co-ordinator (Kawlgam tavuankhan) sem hi.
• 2002-2003 Myanmar Christ’s Mission Cooperation Board (M.C.M.C) ah Vice-president sem hi. 2002 June in South East Asia Congress on Evangelism (SEACOE), Singapore ah kah hi.
• 2003 September in Singapore Haggai Institute ah Leadership Training kah hi.
• 2003 January in Faith Christian Fellowship, Yangon ah kipanin, Fellowship panin Word of Faith Church min tawh 2003 June kha pan pawlpi kipanin Senior Pastor leh Founder sem hi.
• Kawlmi (Buddha biakna) te lakah na semin khamangthang tampi man a, tua teng mah tawh pawlpi khat hong kipan thei ahi hi.
• December 17, 2012 ni in Ordination (Rev.) zaa ngah hi.
• Philippines, Singapore, Thai, Australia leh Malaysia cihte ah zin kawikawi in lungdamna thu va tangko hi.

Hong nusiatna

2003 pan 2013 September dong citak takin Topa lenggahhuan sungah na asep khit ciangin, 2013 September kha in Topa kiang hong ciahsan hi.