Pa Thang Deih Khup

Tuithang khua Pu Vung Ngaih Lian (Tunglut) leh Pi Ngem Ngaih Ning (Vangaw) te sung panin 20.2.1959 ni-in Tedim gam Tuithang khua ah suak hi. 20.12.1980 ni-in NuCing Hau Mang (Naulak) tawh kiteeng a, Topa piak tapa 3 leh tanu 1 nei uh hi.

SMS Tuithang ah 1965-1974 dong sang kah a, tan 8 zo hi. 1975-1977 kum sung SHS Tedim ah kah a, tan 10 “B” list tawh zo hi. Sum zonna: 1980 kum pan sum zon kipan a, kuli puak in kipan in tua pan veng zuak leuleu a Pasian in thupha pia in khang to semsem ahih manin kham leh suang manpha zuak in kawlgam leh vai gam kawm kawikawi hi.

Topa thupha a hi Tedim zato inn nuai ah taih inn gol mahmah dawl 3 leh sumbuk sai lian mahmah nei uh hi. Pasian it in zahtak a, khazih leh Pawlpi ading hita leh gam leh lei a ding hita leh asep theih zahin mapang ahih manin zomi bupin pakta mahmah hi.1996-2008 dong “Lai Nat Na Ministry” ah founder & Sponsor ahi Pa En Khan Gin muan na tawh Director sem a, ministry min tawh khua tuamtuam ah lungdam na thugen in, Laisiangtho hilhcian na tintan pia kawikawi hi.

Tua banah mission tampi tak khah khia in piangthak Pawlpi zong phut kawikawi hi. Lai natna boarder lamin mizawng tagah tampi te sangkah sak in lawh cing mahmah hi. 2015 kum kawlgam bupah kiteelna om a, Tedim Myone No(1) ah ZCD panin mekuang lui in, State Parliament hong ngahin Tedim gambup khantoh nading tawh kisai in thudot pi ding kiteel hi.

Tanu tapate: (1) Tg Dal Sian Piang B.Tech (Civil) Kalay University, (2) Tg Lian Than Tuang B.Sc (Net Working) Honas England, UK.(3) Lia Vung Tawi Lun B.Sc (Zoology) Mandalay.(4) Tg Mang Lian Tung B.A (Geography) III Years Kalay University.