Buanman Khua

1. Khuamin vawhna:

Nidang lai-in tulai Buanman gamsung tengah sing manphate thamlo, haigah le theigahte a kipan nektheih namkimte om in, Zanggam pan nangawnin gamsa ten tentolhna in nei ahih manin, tuk le khal le leikeu man ngeilo-in cimsel den a, buan nawi denin, mundang buante tawh kibang lo-in ‘man’ phadiak lai ahih manin tua munkuam teng lawhna in ‘Buanman mun’ cih kammal hong piang hi.

1. Khuasatna thu

Pu Thuk Lai tapa Pu Tuah Aam khang pan khang 8 na (1795?) pawlin a inntuan nadingun Buanman khua na sat hi. Hunkhat ciangin gal launa hangin kitaikek a, Vahui, Ngalthang, Ngaldim, Ektaak, Theilau, Phanzang, Haipeng leh Anthang khuate ah kitaikek ciat a, 1850 kum, galven ciangin Anthang mun panin Pu Thuam Khup makaihna tawh Buanman khua kizuan kik hi. Mangkang te hong khan leuleu 1889 kum ciangin Siallum ah nasia takin kidona lianpi om a, tua sung teng Buanman lawi in Voklak khua-ah tai uh hi. Galven 1904 kum sungin innbul zawdiak teng leh innmun logam neilo zawdiak tengin Buanman khua zuankik a, 1916 kum ciang teng phot hi. Buanman khua pen Thuklai te’ hanmun teng, akilukhapna mun ahih manin kikaamsia hi ci in 1917 kum ciangin Leisan khua sat uh hi. Ahizong Leisan khua ah kum 22 sung innmong 10 bang hong om veve ciangin 1939 kum pan kipan Buanman kizuan kik in tudong kitengsuak hi. Leisan aa omlai a tai nunung inn 9 teng in 1950 kum ciangin Buanman zuan nawn loin Pu Khai Khaw Pau makaihna tawh Buanman khawtaw Tai 1 bang a kigamlatna aa om ‘Sialtuzang’ mun ah khua sat in tengsuak hi. Tua hun pan kipan Buanman khua pen Buanman le Sialtuuzang mun 2 ah tu dong teng uh hi.

1. Beh om teng:
   1. Munza
   2. Lianzaw
   3. Thanthang

1. Pawlpi om teng :
   1. ABM
   2. SDA
   3. Reformed SDA
   4. Laipian

1. Sanginn : Basic Education Primary School
2. Zato : ngah nailo
3. Inn phazah (Feb, 2023) : 32
4. Innkuan phazah (Feb, 2023) : 29
5. Mi phazah (Feb, 2023)          : Pasal (56) + Numei (65) = 121
6. Khuami te sungpan a madawk deuh te
   1. Major Awn Ngin
   2. Major Cin Kho Mang
   3. Major Cin Za Pau
   4. Khup Za Thang, Zo khangsimna bawlpa
   5. Capt Khai Khat Pum, police officer
   6. Lian Kham, Tedim aa teng masapawl
   7. Awn Za Nang, Law Officer
   8. Hau Za Kimlai, Director, Forest Department
   9. Dr Kam Za Dal, Health Officer

• Lian Za Nang, Law Officer
• Mang Nang, Head of BSSP
• Tun Thawng, AD, Co-operative department
• Dim Khan Neam, Asst Principal, Agriculture
• Suak Za Nang, Assistant Manager, Trade
• Vum Do Pau, Archeology Officer
• Sing Khan Chin, HQA, GAD
• Dr Vum Za Cing, MBBS,MSc,MD(Og)
• Cing Neam, Secretary, YMCA
• Cing Za Niang, SAE
• Khai Za Thang, SAE
• Dr Suak Khat Pum, Deputy Director, Livestock Breeding
• Cherry Mang Man, Director, Planning
• Cing Lun Huai, Deputy Director, Central statistics

1. Thu tawk nate
   1. Pu Ngo Za Thang, Khua Hausa pa
   2. Public Health Department record file, Tedim Hospital
   3. Schools Profile, Basic Education Department – Tedim Township
   4. Sizang min-pianna-le-pu-thuan-tak-tangthu
   5. Thuklai khua leh Sizang ngam tangthu, 2020