Sia Gin Za Kai
3.6.1929 kumin Tonzang Myone Phaisat khua ah suak hi. 28.12.1949 kumin Galkap lut in 2nd Chin Battalion ah kipuak pah hi. 1957-1967 kum 10 sung vilvel Track & Field (Hurdle) kantehkan leh tai kidemna ah South East Asia Peninsular Games ah Kawlgam tangin (Burma Selected) in kiteel in kimawl hi. Zomite sung panin a minthang masa pen ahi hi.
Pahtawina tawh kisai Silver, Gold, Medal, Cup, Shield minphatna tampi ngah hi. 5.10.1965 kumin Galkap nasep 2nd Chin Battalion panin Pension tawh tawp a, Khampat ah a zi a tate tawh teeng hi. Nu Vung Khaw No tawh 1959 May kha in kiteeng a, 1980 November kha in Khampat khua pan hong nusia hi.
Tate: (1) Pa CinKhan Mung + Nu No Lam Nuam (Khampat)(2) Nu Ciin Ngaih Niang + Pa Ngul Lian Siing (Khampat)(3) Nu Luan Lam Cing + Pa Thawng Khan Pau (Malaysia) (4) Nu No Nian Cing + Pa Kam Suan Cin (Khampat)(5) Pa Cin Suan Khup Mung + Nu No Lun Cing (USA) (6) Tg Mung Suan Lian (Malaysia).
