Salai Kam Za Lian ( Victor Raj )
Dr. Raj (India) leh Nu Vung Khaw Mang (Thuklai) te sung pan 1950 kumin, a pa in Falam Zatopi ah Siavuan asep laitak in Falam ah suak hi. Yangon St. Paul sangpi (Tulaitak BEHS No.6 Botataung) pan tan sawm azawh khit ciangin Yangon University ah Chemistry tawh B.Sc degree ngah hi. Tua banah GTI zom suak in a sangkah sung a kipan Guitar lam ah nasia tak in pan la hi.
Myanmar Music Award 2014 (MMA) vaihawm na tawh Kawlgam bup ah Tumging Music siamna lam tawh a teek dong a uk a seem tepahtawina (Life time Achievement Award 2014 piakna pen 20.2.2015 ni-in Yangon khuapi ah thupitak kinei a, Kawlgam ah music band minthang masa khat a hi ACES Music Band ah Bass Guitarist pu Victor Kam Za Lian (a) Pu Za Lian (Kum 64) in Lifetime Achievement Award 2014 Trophy leh sum tang Ks. 50000 ngah hi. A kipat cil in “The EIF” Bass Guitarist, tua khit teh “The ACES” ah tum leuleu in, tulaitak in “Freelance” Guitarist ahi hi. 16.1.1971 ni-in Nu Kam Khan Huai tawh kiteeng a, Topan tanu khat leh tapa khat pia hi. A tapa min Maku hi a, tanu min Gloria ahi hi.
Tulaitak in No.44, Thazin Street (3) Pyaukkone, Cheihkaloh, Mingaladone Myone ah teeng hi.
