Mangla sak siam Pu Pum Za Dal
Minpi le beh: Pum Za Dal Ngaihte (Hau tual)
Tulian omna: Tonzang No.13, Pinlong wards (3 ) Boyoke road, Kalaymyo
Suahni : Aug 4 1950
Lai pilna: Tan 10 (High School)
Tuun leh Zua min: – Vial Ngaih Cing ( Nu ) – Go Cin ( Pa ) – 1981 kum in U Aung Min leh Nu Sian Za Cing’te tanu Sianu Nian Zam Cing tawh kiteng in ta pasal 7 leh ta numei 2 nei hi.
Pasian piak a tate : 1. Tg. Cin Zam Lian Mung ( Hong nusia khin ) 2. Lia Cing Khawl Dim 3. Lia Cing Lian Lun 4. Pa Aung Tung Mang 5. Tg. Dal Sian Suang 6. Tg. Kham Cin Mang 7. Tg. Zam Sian Kip 8. Tg. Thang Mun Lian 9. Tg. Mung Kim Khai
Sang gam Laizomte min: 1. Nu Niang Go Cing ( Hong nusia khin ) 2. Hu Don Khaw Ciin ( Hong nusia khin ) 3. Pum Za Dal 4. Go Lam Ciin (Ygn. Yankin) 5. Nu Niang Khan Suan ( Hong nusia khin ) 6. Nu Vung Zam Mang ( Hong nusia khin ) 7. Pum Khan Mung ( Neu tung a hong nusia ) 8. Dai Khan Niang ( Japan ah om) 9. Lia Dim Ngaih Lun ( Hong nusia khin ) 10. Lia Dim Ngaih Lian ( Hong nusia khin ) 11. Lia En Lian Cing ( Hong nusia khin ) 12. Lia Ciin Lam Man ( Hong nusia khin )
Ukna (Hobbies): -Guitar tum -La sak -Mang Laam -Foot ball
Lai Siangtho bulphuh: Paunak 3: 5-6 Na lungsim khempeh tawh Topa muang in la, nangtheihna suang kei in. Na hihna khempeuh ah amah phawk in. Tua hi leh lampi man amah in hong lak ding hi.
GZC Q1. Hong dongpah saisai nung, lasak le music lam na kidiah zawh asawt ta na. Album/Mv bangzah bawlkhin, Nong genthei ding hiam?
PD: Neu tung ka tan 3 kum pan tudong mah hi e. Album / MV lam tuam a om vet lo himai, Ka khan lai un bel Pawi om na khempeuh ah hong kisam himai. A diak diak in ‘ Tahan Mizo ‘ te lak bang ah ka pai teh a nupi papi te nangawn in, Pum Za Dal hong hawh aih leh mangla sa sak unla, Ak gawh un hong ci keei uh hi ee.
GZC Q2. Zomi sungah nangmah bangin mangla len minam dangte ii la vasak pih thei le va tumpih thei
ding ih neih na angtang hiam?
PD:- Ang tang peuh mah tham ingh ee. Nuam mahmah ingh.
GZC Q3. La/Music/Note nang ii idea ngiat tawh nagelh gei hiam, Na music/laphuah/na lasak lakpan hoih nasak pen in bangla?
PD:- La, music, note ka gelh a omlo himai ei, La zong a phuak theilo hizaw ingh. “Music, bang pen mikang band ‘ The Shadows ‘ leh ‘ The Ventures ‘ te instrumental a tum te uh a ‘original bang a ka tum theih teh ka lung a kim mahmah hi. la zong a original bang aa kasak theih ding hanciam in sa leng ka lung a kim pha diak hi. Note en theilo kahih man in ” hearing ” pan bek hi aa, a hih lian a hanciam hing.
GZC Q4. Zomi te koici kalsuan leng mailam ah music sung kipum khat in ki khangto theiding?
PD:- Zomi te ih omna ciat ah group mah tawh dijg zo leng hoihsa peen ing. A diakdiak in Kawlgam bang hun hoih, hun nuam hileh group vive mah tawh ding in kum khat in khat vei beek ‘Talent Show’ entertaiment bawl zo den leng ki khangto in ki pumkhat na om thei ding hi ci in um ingh.
GZC Q5. Music tawh a ki sailo na gennop khatpeuh hong luikhia dingin hong thuum ung.
PD:- Gen nop tampi tak lak ah a diakdiak in no tulai tak aa tuipi gal aa om u leh naute khempeuh in na vai puak neihna khempeuh uah ih biak Pasian in hong panpih tawntung henla, cidam, lung nuam tak aa thu ih ki zaak theih den aa ih ki pahtawi, ih ki uap theih den na ding mah lunggulh peen ingh. Kei bang mah pi cing ngap lo khat hih bang aa nong pi bawl na uh, nak pi tak in nuam pha diak ingh, ih biak Pasian tung ah lungdam na ko tawn tung ning, Nuam mah mah ingh. Ka Lungdam.
GZC tanu te : Amen! Koh lungdam zaw kan ungh e, kahun geel sa uh hong picinh nahih manin, mailam ah na kalsuan na, nasep, nabawl khatpeuh ah Zomi te a laamsang zo semsem dingin hong lamzang toto laita in. Na Zomi pihte in hong angtang lua ungh maw.
