Pa Pum Za Dal
Pa Go Cin(Ngaihte) leh Vial Ngaih Cing(Thawmte) sung pan Kalaymyo ah suak hi. Zomi sung ah Kawlzang pan in guitor siam minthang masa pen hi a, GFORCE in 25-5-2017 ni-in Kawlpi ah “Zomi Instrumental Award” pia hi. Pa Pum Dal guitor tum siam mahmah hi. Tua banah mangla zong siam a, kawlla tam sak kholloh hi. Pop lasiam mithing Elvis presly, Cliff Richard leh the Beatlesste’ late vive sa hi. A khan lai-in kawlpi ah music concert khat peuh aki bawl ciangin amah loin nopci zolo hi. Music van lei zolo ahih manin a group min dingin “The poor” cih min phuak uh hi. Rev. Ngul Khan Pau, Pa Zam Cin Hau leh Mungtawngte pawl tawh tum khawm uh hi. Ziletate: Nu Nian Zam Cing tawh 1-6-1981 ni-in pumkhat suak a, tanu tapa 9 nei hi.(1) Cin Zam Lian Mung, (2) Cing Khawl Dim, BA.(Hist), (3) Cing Sian Lun, (BSc.,Che.), (4) Aung Tung Mang, BA.(Geo), (5) Dal Sian Suang(Matric), (6) Kham Cin Mang, BA.(Eng.),(7) Zam Sian Kip(Matric), (8) Thang Mun Lian(Matric),(9) Mung Kim Khai(Matric).
