Pa Thawng Lian Kam
Zogam Tedim Myone Sezang khua a teeng Pu Phung Za Cin (Naulak) leh Pi Chin Khaw Niang te sung pan 1.7.1955 in Sezang khua ah suak hi. 20.5.1980 ni-in Nu Kim Za Khup tawh kiteeng a, tapa 3 leh tanu 5 nei uh hi. Lawki inn sung pan khangkhia a, 1979 kumin Gupngah kitelna (Pianthakna) ngah in lungdam mahmah hi. 1980 kum ciang Teacher Training College (T.T.C) Mandalay pan Diploma angah khit ciang JAT tawh sangsia sem hi. 1996 kum ciang Pasian sapna za in Pasian na sem dingin bing tawp hi. 1990 kum pan kipan in thugenna leh Pasian minphat lasakna thuah khawm a, gospel min dingin “Agape Family Gospel” ci-in phuak uh hi. Thunget zawh kum 10 val khit ciangin Pasian in a kithuah dingin apiak a zi leh a tanu u gel Lun San leh Kimpi tawh mi (4) tawh kipan khia hi.
Thu bul phuh: Joshua 24:15 (Kei leh ka innkuan pih te in Topa na kasem ding uh hi.)
Kalsuan zia: I John 5:4 (Ei te up na in leitung zawhna ahi hi.)
Ngimna leh tupna: (1) Leitung bup minam khempeuh kiangah gupkhiatna lungdamna thu gen ding (Mark 16:15) (2) Lungdamna thu leh Pasian phatna tawh leitung bup dam la ding (Ps 150:1-6) (3) Zeisuh hotkhiat lungdamna thu tawh minam khempeuh unau khat suah ding (Mate 12:49-50).Gam lasakna: Pianna Zogam, Kawlgam, India gam te hi.
Nasep leh kipat kum: (1) Evangelism 1990 (2) Cassette Ministry -1995 (3) Video Ministry -1996 (4) Radio Ministry -1996 (4) T.V Ministry -2002.Agape Family Gospel Innkuan: (1) Evan Thawng Lian Kam (JAT) Director & Speaker, (2) Nu Kim Za Khup (A zi) Thungen makai pi, (3) S/m Niang Gel Lun (Lun San) B.Th, Lasa, Music Director (USA) (4) S/m Esther, Niang San Kim (Kimpi) B.Th, M.Div, Lasa, Music (USA) (5) S/m Cing Sen Sang (Sangii) B.Th, M.Div, Lasa, Music (USA) (6) Tg Cin Van Kim G.M.I Yangon. Lasa, Music, (7) Lia Vung Sian Dim Tawng (Matric) Kalemyo, (8) Tg Kap Thuam G.M.I Yangon. Lasa, Music, (9) Lia Cing San Lian G.M.I Yangon. Lasa, Music, (10) Lia Pau Sian Hoih Vung (Matric) Kalemyo.
