Siamah Man Suan Cing (a) Cing San
Gamlai khua Rev Joshua Tun Za Kap leh Nu Vung Khaw Niang te tanu hi a, unau pasal 1 leh numei 6 lakah a nihna ahi hi. Tapidaw innkuan sung pan khangkhia ahih manin a neutung a kipan a pa in Pasian thu leh Biakna la tawh pantah a, 1978 kum the piangthak in a pa in tuiphum na piapah hi. A pa makaih na tawh 1978 kum a kipan “Dorcas Team” ci-in Gospel Team khat phuan a, thu leh la tawh gupkhiatna thu tang ko in vak kawikawi uh hi.
Zomi sungah lasa siam min thang khat hong suak a, tuni ciang dong a lasak siam na mah tawh Pasian na hunbit a sem hong suak hi.Topa makaihna tawh lakhui hoih mahmah te hong hawmkhia a, zogam a ding lakhui masa pawl mah hong suak hi.
Tua lakhui te anuai a bangin kong suak sak hi. (1) 1983 kumin, “Topa phat ni” (2) 1985 kumin, “Zeisu’n hong kun”, Lalpa Fakru cih lushei kam tawh, (3) 1989 kumin, “Babylon” Lushei kammah tawh hong hawmkhia hi. 2004 kum ciang US a Seminary leh Bangalore India ah Laisiangtho sang vakah a, B.Th degree hong ngah hi. 1995
June pan tuni dong EBC gambup zum na sem khat in om hi. 1998 kumin TCF makaihna tawh Zogam lasiam pahtawina bel kang keh laipi pia uh hi. Kawlgam mun tuamtuam leh India gam, Malaysia gam, USA dong ah lasa dingin kisam kawikawi hi.
