Zolia Lasiam Rody Za Lien Sing
Min pi : Rody Za Lien Sing
Khua lui : Mualnuam
Suahni : 28th October
Pilna : – MA in Political Science, Delhi University. – MA Social Work in Children and Families, Tata Institute of Social Sciences, Mumbai.
Pianna Tuun leh Zua min: – Nu Lalsanhim ( Nu ) – Dr. Rev. Enn Za Sian
Sanggam Laizom te min: -El Dim Sian Niang -Daniel Kap Za Thang -Hermon Hauh Thang Hlun
Ukna (Hobbies): Lasak, la ngaih, movie et, meh bawl leh naupang te kiang nasep.
LST Mun: “Om hithiat unla, Pasian ka hihna thei un” – Late 46:10
GZC Q1. Laphuah/Lasak lam na kidiah zawh asawt ta na. Nong genthei ding hiam?
Rody:- Lasak lian pen ka neu tung pan a uk khat hi ing. Mipi mai ah ka sak masak pen ka theihkhialh keileh kum 9 ka hihlai hi. Tua khit ka sangkahna/college te ah choir (lapawl)te ah kihel in, biakinn ah zong solo na sa to to ing. Studio lut a recording bawl ding pen ka lunggulh masak pen leh tup masak pen zong na hikei, ahihang Pasian in lampi hong na bawlsak to to in mu ing, ka nuntakna ka etkik ciang in.
GZC Q2. Zomi sung kawlla, mangla leh minam dangte i la vasak pihthei le va tumpih theiding ih neih na angtang hiam?
Rody:- Thupi sa mah ing, talent hoih pipi I neih uh. Tu amah bangin namdang ten zong ei laa hong sak sak uh pen thupi sa ing..Gentehna in kei theih tan ah Sia CK Khai phuah Maipha leh Tai Tampi pen Mizo lasiam Vanlalsailova leh Sharon Kings in sa kha, tualo ‘Kha Siangtho’ Sia Kim Pau I phuah mangla in zong kisa in thei ing. Adang zong tampi omkha in teh.
GZC Q3. La/Music/Note nang i idea ngiat tawh nagelh gei hiam, Na lasak/laphuah/ lkpan hoih nasak pen in bangla?
Rody:- La bel phuak ngei keng. Ahizong tua ka la release nunung, ‘Zion Lathak’ kici pen ka sanggampa Mungno Shoute tawh idea ki share khawm a a la kaih leh arrangement ka bawl uh hi. Ka lasak te bel a vek in hoihsa khin ing. Ahizongin mite deih deuh a ka theih bel Jesu Hi, Tai Tampi,Lungzuan Christmas leh Itna Langaih cih te hi. Tunai a audio ki release thak ‘Itna Anglum’ zong tulaitak ka nuntakna tawh kituak sa ing!
GZC Q4. Zomi te koici kalsuan leng mailam ah music lam ki khangto theiding?
Rody:- Kei ngaihsutna ah bel midang te I bat sawm luat ciangin man theilo hi. Midangte hih hoih/siamna/idea te etteh theih, aihang amau va hih sawm tuan kei leng.
GZC Q5. Music tawh a kisailo na gennop khatpeuh hong luikhia dingin hong thuum ungh. Lungdam
Rody:- Lungdam mahmah ing hibanga interview nong bawl uh. I minam sunga lasate na pahtawina uh hi in mu ing. Mailam hunah zong hong zomto zel un. Ka thupil deih penpen (favourite quote) tawh hong zo ning. Manglai in ‘Be kind, for everyone you meet is fighting a battle you know nothing about’ kici. ‘Mi khempeuh tungah itna I lah ding, a tuah uh haksatna ki theihpih khinlo ahihmanin’ cih hi ei. Midang te adingin na hoih I bawlsak kei zongin na sia tun kei ni cih pen ka hihtheih tan a ka zuih sawm hi. Zui thei ciat leng ut ing!
SOURCE: Global Zomi Celebrity pan Facebook Page
