Dr Khuang Nawni B.Sc (Bot), M.Div, Th.M, D.D
Pa Than TLuang leh Nu Sal Kai Hnun te tanu upa pen ahi hi. Chin State Tonzang Township New Darkhai ah 1.7.1940 kumin suak hi. 1956 kum sangkah n 1961 kum in tan li ong hi. 1961 kumin Zangkong lal uh a, tan nga pan tan sawm dong SHS Ahlone (4) ah kahin 1967 kumin tan sawm “A” list tawh ong hi. -B.Sc (Bot) Rangon Arts and Science University 1967-1971, -B.R.E (MIT) Myanmar Institute of Theology 1973- 1975, -M.Div, Philipine Asian Theological Seminary Manila 1983-1985, -Th.M, Fuller Theological Seminary Pasadena, California State USA 1988-1990, -Ph.D, Doctorate Board in Ph.D sin theihna 26.9.1990 ni in pia hi.
Pasian nasep na: 1971 March kha sung Methodist Pastor Rev Chun Vela tungtawn in mawhnei ahih lam leh zeisu sisan hang mawhmai na angah lam kitel in, tua hun akipan mun tuamtuam ah lungdamna thugen kipan hi. Rev U Myo Chit (AG) in Bible Study pia in Buddhist te kiangah thuhilh in kuankhia sakzel hi. 1974 kum panin Col. Khun Naung; Rev Ahone; Rev Zo Than Mawia; Aung Thet Nyunt; Rev Thang Khen Pau; Rev James Biak Lian; Siamah Ringii; Daw Chuani; Pastor Sing Liani leh Siamah Khuang Nawni te in “The Revivals” phuan uh a, Zogam khuapi teng leh kawlgam mun tuamtuam kuankhia in Topan nakpi takin lawh cinna pia hi.
Innkuan pih neihna:Tedim gamah Pasian na asep kawikawi laitak Evan. Phun Dum tawh mun tuamtuam ah Crusade bawl kawikawi uh hi. Pasian in ama nasem khawm ding deih cih tel ahih manin 5.6.1975 ni-in Rev Hau Liam Kham in Tedim EBC biakinn ah pumkhat suahna pia hi. Pasian in thupha tanu khat pia a, Lal Nun Pari hi-in 1996 kumin tan sawm zo in, zangkong CBCM pawlpi ah Music lam makai in mapang thei hi. A nupa un Kawlgam ah pawlpi thak khat Chin Baptist Church of Myanmar (CBCM) phuan a, pawlpi tampi tak phut in a nupa un tua tak ah Director, sem uh hi.
