Pa Hau Kap Thang (Thangpaa)
Buangmual khua Pa Lian Cin Pau (Mantuang) leh Nu Ciin Khan Niang (Taithul) te sung panin 12.11.1969 kumin Tonzang gam Buangmual khua ah suak hi. Sanggam laizom pasal 7 leh numei 4 gawm 11 pha uh hi. Khuadai khua ni nungzui Lia Gen Lun Vung tawh kiteeng a, tapa 3 nei in, Tg Pau Khan Lian (Malaysia), Tg Khai Muan Thang (M.Div) Bangalore, leh Tg Khup Sian Muang te ahi hi.
La pen ka neutung pan ka uk hi. Ka mak pa Sia Luut Sian Pau hong pattah masak hi. Tua zawh kei leh kei hanciam a kasin ngiat hi. Zola dawng 40 bek phuak pan ingh. Tu ciangciang Album khui li kabawl na hi. (1) “Zo sinlai ah na sang ee”(2) “Ki sik kik in”(3) “Kabar kah lay sa yah tae, Daw Aung San Su Kyi”(4) “Style sih mah, Star phyit mae”. Zomi ih hih manin Zola mah sa in, a tang zai thei dingin kawlla sak ding kong hanthawn nuam hi.
Ei mi la siam te pen ih aw in mi ban mahmah h. min ih ngah pian tak ciang ki puk pahpah hi. Ih kawlgam ah Iron Cross te etteh tak sa ing. Stage tung lasa ding ka din ciang Thang Paa na hansan na ding dawnpak in hong ci uh a, ken thungen in kaki ap hi ci-in ka dawng hi. Topa hong gualzawh pihna zong Pasian kaneih man hi. Zu dawnlo zatep lo ka hih manin Pasian in ka thunget na hong dawng hin teh ci ingh.La tawh kisai in leitung bupah pasal ah Bryan Adam, numei ah Celine Dione (Because you love me) bang hoih sa lua ing.
Kawlgam sungah kei deih pen Sai Hti Sai le Sai Sai Mose deih pen ingh. Pasian hehpih na tawh ka la te khui nih bang V.C Mang ii aw kaih leh ka aw na kituak aa, a man lah ama la aw te phaltak a hongpia ahih manin ka lungdam hi. Kawlgam ah Daw Aung San Su Kyi la aphuah masa pen pa “Halo, Halo Ha” ahih manin Zogam kawlgam leimong dongin Topan hong zatsak Zomi lasiam Thang Paa ahi hi.
Thang Paa pen 1980-82 sung Buangmual ah Primary Assistant Teacher kasep lai ka sang naupang te khat hi a, pasal no te tawh kikhawl ngeilo in numei no bek tawh kikhawl in a lungnem mahmah khat hi. A neulai in nulehpa tawh RCM ah khauh mahmah a, zi aneih ciang apu tanu (Khuadai) tawh kiteeng in apu te ZBA Pawlpi ahih manin kham theih zanglo in mihoih suak in lawhcing hi